რუსი ოკუპანტები ზაპორიჟიეს ატომური ელექტროსადგურის ინფრასტრუქტურას რეგულარულად ბომბავენ. ამის შესახებ ზაპოროჟიეს რეგიონული სამხედრო ადმინისტრაციის ხელმძღვანელმა, ალექსანდრ სტარუხმა განაცხადა.

მისი თქმით, ოკუპაციაში მომუშავე ენერგეტიკოსებმა სწრაფად აღადგინეს ელექტრომომარაგება და შეაკეთეს ქსელი.

„ოკუპანტები არ იძლევიან საშუალებას, რომ მე-5 ან მე-6 ბლოკი ამოქმედდეს ისე, როგორც „ენერგოატომს“ უნდა. ამ მიზნით რეგულარულად ბომბავენ ენერგეტიკულ ინფრასტრუქტურას. გუშინწინ დააზიანა ხაზი, ატომურ ელექტროსადგურზე გენერატორები ისევ ჩაირთო, რამაც უზრუნველყო რეაქტორების აქტიური ზონის გასაგრილებლად საჭირო 130 მეგავატი“, - თქვა ხელმძღვანელმა.

რაკეტების ნაწილი ღამით გაფრინდა რაიონულ ჰოსპიტალთან, სადაც არიან ფსიქიურად დაავადებულები და ექიმები - 270 ადამიანი, 60 ექიმი... საბედნიეროდ, არავინ დაშავებულა, ევაკუაციის საკითხი მუშავდება“, - განაცხადა სტარუხმა.

ცნობისთვის, 2022 წლის 4 მარტიდან ზაპოროჟიეს ატომური ელექტროსადგური რუსი დამპყრობლების კონტროლის ქვეშ არის. ოკუპანტებმა ასევე აიღეს ატომური ელექტროსადგურის სატელიტური ქალაქი ენერგოდარი.

ომის დაწყებიდან მოყოლებული, ზაპორიჟჟიას ატომური ელექტროსადგური მუდმივად იბომბება, რის გამოც სადგური რეგულარულად ითიშება.

5 ოქტომბერს აგრესორი ქვეყნის პრეზიდენტმა ვლადიმერ პუტინმა გამოსცა "განკარგულება"  ოკუპირებული ზაპოროჟიეს ატომური ელექტროსადგურის მითვისების შესახებ .

ავტორი: ექსპრესნიუსი,

სოციალური ქსელები

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია

ისარგებლეთ საქართველოს ბანკის საკრედიტო Amex-ის შეთავაზებით ოთხ სავაჭრო ცენტრში

Euromoney-მ თიბისი საუკეთესო კორპორატიულ ბანკად მესამედ დაასახელა

ხაშურობისთვის მერიამ ზაზა ნოზაძე გარეპავს- ბიუჯეტიდან კონცერტის ორგანიზატორს 93 000 ლარს გადაუხდიან