მსოფლიომ რუსეთი ტერორისტულ სახელმწიფოდ უნდა აღიაროს, რადგან ეს ასეა, - ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა .

მან აღნიშნა, რომ ნატო-ს საპარლამენტო ასამბლეაზე სიტყვით გამოსვლისას ისაუბრა უკრაინის წვლილზე თავისუფლებისა და ევროპული ღირებულებების დაცვაში.

„მოვუწოდე ალიანსის ქვეყნებს, მიიღონ კონკრეტული ქმედებები მშვიდობის უკრაინული ფორმულის განსახორციელებლად, რომელსაც შეუძლია საიმედოდ უზრუნველყოს მშვიდობა და სამართლიანობა უკრაინასა და მთელ ევროატლანტიკურ საზოგადოებაში და ასევე მოვუწოდე ნატოს წევრი ქვეყნების ყველა პარლამენტს. საბოლოოდ გადავწყვიტოთ რუსეთის ტერორისტულ სახელმწიფოდ აღიარება. მჯერა, რომ თანდათან მივაღწევთ ამ შედეგს - ასე იქნება რუსეთი აღქმული მსოფლიოში. ზუსტად ისეთი, როგორიც გახდა. ტერორისტულ სახელმწიფოდ", - აღნიშნა უკრაინის პრეზიდენტმა. .

ზელენსკიმ ასევე მადლობა გადაუხადა ნატო-ს საპარლამენტო ასამბლეის ყველა წევრს, რომლებმაც შესაბამისი რეზოლუცია მიიღეს.

შეგახსენებთ, რიმ 21 ნოემბერს ნატო-ს საპარლამენტო ასამბლეამ რუსეთი ტერორისტულ სახელმწიფოდ აღიარა და მისი აგრესიისთვის სპეციალური საერთაშორისო ტრიბუნალის შექმნა მოითხოვა.

ნატო-ს 30-ვე ქვეყანამ მხარი დაუჭირა უკრაინის დელეგაციის წინადადებებს ნატო-ს საპარლამენტო ასამბლეის შესაბამისი რეზოლუციისთვის.

რეზოლუცია გაეგზავნება ნატო-ს წევრ- ყველა ქვეყნის მთავრობასა და პარლამენტს.

რეზოლუციაში გათვალისწინებული იყო უკრაინის დელეგაციის სურვილი: უკრაინაში იარაღის მიწოდების გაზრდა; უკრაინის ნატოში გაწევრიანების კონკრეტული ნაბიჯების შემუშავება; მიყენებული ზიანისათვის რუსეთის ფედერაციიდან ანაზღაურების აღების მექანიზმის შექმნა.

ავტორი: ექსპრესნიუსი,

სოციალური ქსელები

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია

ისარგებლეთ საქართველოს ბანკის საკრედიტო Amex-ის შეთავაზებით ოთხ სავაჭრო ცენტრში

Euromoney-მ თიბისი საუკეთესო კორპორატიულ ბანკად მესამედ დაასახელა

ხაშურობისთვის მერიამ ზაზა ნოზაძე გარეპავს- ბიუჯეტიდან კონცერტის ორგანიზატორს 93 000 ლარს გადაუხდიან