სრულმასშტაბიანი ომის დაწყებიდან დღემდე, რუსეთმა უკრაინის წინააღმდეგ 4500 რაკეტა გაისროლა. ამის შესახებ უკრაინის პრეზიდენტმა ვლადიმირ ზელენსკიმ იურისტთა საერთაშორისო ასოციაციის შეხვედრის მონაწილეებთან სიტყვით გამოსვლისას განაცხადა.

ზელენსკიმ იმედი გამოთქვა, რომ უკრაინის ტერიტორიაზე რაკეტების გაშვებაში მონაწილე ყველა პირი პასუხისმგებას მიეცემა.

„რუსული 4500 რაკეტიდან თითოეულზე არის არაადამიანები, რომლებიც პასუხისმგებელნი არიან ამ რაკეტებით მიყენებულ სიკვდილსა და ზარალზე. რუსი ჯალათების მსხვერპლთა ყოველი მასობრივი დაკრძალვის მიღმა არსებობენ არაადამიანები, რომლებიც პასუხისმგებელნი არიან ამ მკვლელობებზე. რუსული აგრესიის ყველა გამოვლინებაზე არიან ისეთებიც, ვინც დაგეგმეს, მოაწყო, გაამართლა და არ შეუშალა ხელი მის დასრულებას“, - აღნიშნა პრეზიდენტმა.

ზელენსკიმ იმედი გამოთქვა, რომ უცხოელი იურისტები მონაწილეობას მიიღებენ სპეციალური ტრიბუნალის შექმნაში, რომელიც დამნაშავე რუსი სამხედროების დევნასა და აქტივების კონფისკაციას მოახდენს. 

"გთავაზობთ, შეუერთდეთ ამ საქმეს. ეს არის შესაძლებლობა, რაც შეიძლება კონკრეტულად დაეხმაროთ ადამიანებს, რომლებიც ამ ომის მსხვერპლნი გახდნენ", - დასძინა მან.

2022 წლის ოქტომბერში რუსეთმა უკრაინის ტერიტორიაზე რამდენიმე ფართომასშტაბიანი სარაკეტო დარტყმა განახორციელა. უმეტესწილად, რაკეტები კრიტიკულ ინფრასტრუქტურულ ობიექტებზე იყო გასროლილი.

აღნიშნულია, რომ უკრაინაზე ეს სარაკეტო შეტევა რუსეთის ფედერაციას 400-600 მილიონი დოლარი დაუჯდა. ეს არის ისეთი ქალაქების წლიური ბიუჯეტი, როგორიცაა ნოვოსიბირსკი ან ეკატერინბურგი.

ავტორი: ექსპრესნიუსი,

სოციალური ქსელები

ყველა ტელეარხმა ტრამპის ბოიკოტი გამოაცხადა

ირლანდიიდან საქართველოს 43 მოქალაქე დეპორტირებულია

ღარიბაშვილის ახალი წერილი - ჩემი პატიმრობა პირველივე დღიდან პოლიტიკურია

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია