ურწმუნო, არაქრისტიანული სამყარო სიმდაბლის ცნებას, სამწუხაროდ, შეურაცხყოფს, - ამის შესახებ საპატრიარქოს ტახტის მოსაყდრემ, სენაკისა და ჩხოროწყუს მიტროპოლიტმა შიომ თბილისის წმინდა ბარბარეს სახელობის ტაძარში ქადაგებისას განაცხადა. 

მიტროპოლიტის თქმით, სიმდაბლე გამოავლენს ჩვენში ყველაფერ საუკეთესოს, რაც კი არის ადამიანში, მაგის გარეშე კი, ადამიანის ცხოვრება აღარ არის ადამიანური.

"დღეს ურწმუნო, არაქრისტიანული სამყარო სიმდაბლის ცნებას, სამწუხაროდ, შეურაცხყოფს. იმიტომ, რომ შეიძლება ადამიანს ჰქონდეს დიდი და ბევრი მიღწევა სხვადასხვა სფეროში, მაგრამ თუ იგი არ სწავლობს და არ იმეცნებს სულიერ კანონებს, მიუხედავად მისი მიღწევებისა, იგი სულიერ კანონებსა და სულიერი ცხოვრების კანონებში ვერ ერკვევა. მას არაფერი გაეგება. ამიტომ ასეთი ადამიანები ვერ ხვდებიან, რა მნიშვნელობა აქვს სიმდაბლეს, რაოდენ მაცხოვნებელია ის ადამიანისთვის და რომ სწორედ ეს არის საუკეთესო ნიადაგი ღვთის სიტყვისთვის, რომელსაც შეუძლია, გამოიღოს არა მარტო ყლორტი, არამედ კეთილი ნაყოფიც. ეს ძალიან მნიშვნელოვანია.
რატომ არის, რომ სიმდაბლე მოიზიადავს ღვთის მადლს? - იმიტომ, რომ სიმდაბლე გამოავლენს, წარმოაჩენს, ხსნის ჩვენში ყველაფერ საუკეთესოს, რაც კი არის ადამიანში. თქვენ იცით, რომ ადამიანი ღვთის ხატებაა და, შესაბამისად, საკუთარ თავში ატარებს ყველაზე აღმატებულს და ყველაზე წმინდას, როგორც ღვთის ხატება. შესაბამისად, თუ ღმერთი სიყვარულია, ეს ნიშნავს, რომ ადამიანიც თავის საუკეთესო გამოვლინებაშიც არის სიყვარულის. ეს სიმდაბლე ავლენს, წარმოაჩენს ამ სიყვარულს და მხოლოდ სიმდაბლესთან მოდის სულიწმიდის მადლი. სიმდაბლისა და სიყვარულის გარეშე ადამიანის ცხოვრება აღარ არის ადამიანური. სიყვარული კი ადამიანს შეუძლია მხოლოდ მაშინ, როდესაც შეუძლია დამდაბლება, როდესაც მან იცის, რა არის სიმდაბლე, ხოლო აი, ეს სიყვარული და სიმდაბლე მოიხვეჭება საღვთო მადლით, რომელზეც დღეს პეტრე მოციქული საუბრობს: ,,შეიმოსეთ სიმდაბლე, რამეთუ ღმერთი ამპარტავანთა შემუსრავს, ხოლო მდაბალთა მოსცის მადლი",- განაცხადა მიტროპოლიტმა. 

ავტორი: ექსპრესნიუსი,

სოციალური ქსელები

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი

ზურაბ ცეცხლაძე საზმაუზე: ჩვენს აქციაზე საინფორმაციო გამოშვებაში ერთი წინადადებაც არ თქვეს

ბინადობის უფლებისთვის 3000 ევროს ძალავდნენ- დაკავებულია ორი პირი

გამოავლინეს ვალუტის გადამცვლელი 15 უკანონო პუნქტი, დაკავებულია 9 პირი