ხარკოვის ოლქში კიდევ ერთი მასობრივი სამარხი აღმოაჩინეს. აღნიშნულ ინფორმაციას უკრაინული მედია ეროვნულ პოლიციაზე დაყრდნობით ავრცელებს.

პოლიციის ინფორმაციით, ბოროვსკის რაიონში აღმოჩენილ სამარხში სულ მცირე 17 ადამიანის - მშვიდობიანი მოქალაქეებისა და და სამხედროების ცხედარი იპოვეს.

"წინასწარი მონაცემებით, საფლავში სულ მცირე 17 ადამიანია დაკრძალული - უკრაინის შეიარაღებული ძალების სამოქალაქო და სამხედრო პერსონალი. გამომძიებლებმა სამი სამხედრო მოსამსახურის ცხედარი პირველ დღეს ამოიღეს", - აცხადებენ პოლიციაში.

ადგილობრივებმა გამოძიებას განუცხადეს, რომ ოკუპანტებმა დაღუპულების ცხედრები შეაგროვეს და 13 აპრილს, ორი სატვირთო მანქანით ჩამოიტანეს, ამოთხარეს 3 მეტრამდე სიღრმის ორმო და ცხედრები იქ დამარხეს, შემდეგ კი, სამარხი ტანკებით გადაასწორეს. 

სამარხიდან ამოღებულ ყველა ცხედარს სასამართლო ექსპერტიზაზე გადაასვენებენ, რათა სიკვდილის მიზეზები და მათი ვინაობა დადგინდეს.

ავტორი: ექსპრესნიუსი,

სოციალური ქსელები

ყველა ტელეარხმა ტრამპის ბოიკოტი გამოაცხადა

ირლანდიიდან საქართველოს 43 მოქალაქე დეპორტირებულია

ღარიბაშვილის ახალი წერილი - ჩემი პატიმრობა პირველივე დღიდან პოლიტიკურია

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია