შურისძიება იქნება სამართლიანი და გარდაუვალი,- ასე გამოეხმაურა უკრაინის პრეზიდენტი ვოლოდიმირ ზელენსკი მდინარე დნეპროზე რუსი ოკუპანტების თავდასხმას. 

მისი თქმით, უკრაინა ყოველდღე ებრძვის ტერორისტებს, რომლებიც კლავენ მშვიდობიან მოსახლეობას, ბომბავენ ქალაქებს და ანგრევენ უკრაინელების სიცოცხლესა და ბედს.

"დღეს მორიგი სარაკეტო დარტყმა განხორციელდა. ამის შედეგად დნიპროში ორი ადამიანი დაიღუპა. მათ შორის - ორსული ქალი. სამი მსხვერპლი საავადმყოფოში მოათავსეს. ჩვენ არასდროს ვაპატიებთ. ანგარიშსწორება იქნება სამართლიანი და გარდაუვალი", - განაცხადა ზელენსკიმ.

შეგახსენებთ, რომ რუსმა ოკუპანტებმა დნიპროზე იერიში 25 ოქტომბერს მიიტანეს. რუსული რაკეტის ფრაგმენტები ადგილობრივ ბენზინგასამართ სადგურს დაეცა, რამაც ხანძარი გამოიწვია.

დაფიქსირდა ორი გარდაცვალების ფაქტი: ორსული ქალი დაიწვა მანქანაში, ხოლო ოპერატორი გარდაიცვალა ბენზინგასამართ სადგურთან მდებარე ავტოსამრეცხაოზე. ასევე ცნობილია სამი დაჭრილის შესახებ.

ავტორი: ექსპრესნიუსი,

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა