უკრაინის ნატო-ში გაწევრიანება, მესამე მსოფლიო ომამდე გარანტირებულ ესკალაციას ნიშნავს,- ამის შესახებ რუსეთის უშიშროების საბჭოს მდივნის მოადგილემ, ალექსანდრე ვენედიქტოვმა განაცხადა.

მისი თქმით, კიევს იმედი აქვთ შექმნას საინფორმაციო ხმაური და კიდევ ერთხელ მიიპყრონ ყურადღება საკუთარ თავზე.

„კიევს შესანიშნავად ესმის, რომ ასეთი ნაბიჯი ნიშნავს გარანტირებულ ესკალაციას მესამე მსოფლიო ომამდე. როგორც ჩანს, გათვლაც ამაზეა – შეიქმნას საინფორმაციო ხმაური და მოხდეს კვლავ ყურადღების მიქცევა. თუმცა, იმის გათვალისწინებით, თუ რამდენად მოწყვეტილია რეალობას კიევის რეჟიმის მრავალი წარმომადგენელი, არ გამიკვირდება, თუ ვინმე იქ მართლაც იმედოვნებს მათი ქვეყნის ნატო-ში მიღებას“,- განაცხადა ვენედიქტოვმა.

მისივე თქმით, დასავლეთი, უკრაინის დახმარებით კონფლიქტის პირდაპირი მხარე ხდება.

„ამ ნაბიჯის თვითმკვლელობითობა ესმით თავად ნატოელებს“,- დასძინა ვენედიქტოვმა.

შეგახსენებთ, რომ 30 სექტემბერს, უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინა ნატოში გაწევრიანების განაცხადს დაჩქარებული წესით წარადგენს.
 

ავტორი: ექსპრესნიუსი,

სოციალური ქსელები

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა

პაპუაშვილი – საქართველო-აშშ-ის ურთიერთობები გადატვირთვის გზით მიდის

კობახიძე - ალდეს ლიბერალობის არაფერი ეტყობა, კვლავაც დგანან რადიკალიზმის, მათ შორის ტერორისტული აქტის მხარეს