უკრაინის უშიშროების სამსახურმა რუსეთის ყოფილი პრეზიდენტი და ამჟამად უშიშროების საბჭოს მოქმედი თავმჯდომარე დიმიტრი მედვედევი ძებნილთა სიაში შეიყვანა. უკრაინის ძალოვანი უწყება აპირების, ინტერპოლს წითელი ცირკულარით ძებნის გამოცხადების მოთხოვნით მიმართოს.
შესაბამისი ბარათი უკრაინის შინაგან საქმეთა სამინისტროს ვებ-გვერდზე ძებნილ პირთა ბაზაში გამოჩნდა. მედვედევი ეჭვმიტანილია ქვეყნის ტერიტორიული მთლიანობის ხელყოფაში (უკრაინის სისხლის სამართლის კოდექსის 110-ე მუხლის მე-2 ნაწილი).

დმიტრი მედვედევი - ვლადიმირ პუტინის მოადგილე რუსეთის უშიშროების საბჭოში, შესაშური პერიოდულობით აქვეყნებს ერთიმეორეზე აგრესიულ და აბსურდულ განცხადებებს. 18 აგვისტოს მედვედევმა თავის ტელეგრამარხზე დაწერა, სანქციების გამო ევროკავშირის მოსახლეობა ისეთ მძიმე მდგომარეობაშია ჩავარდნილი, რომ ტუალეტის ნახმარი ქაღალდების რეცხვა უწევსო. მედვედევის თქმით, ევროკავშირში მცხოვრები ადამიანები უმძიმესი პროპაგანდისტული წნეხის ქვეშ იმყოფებიან.

დმიტრი მედვედევმა ასევე გამოაქვეყნა ერთი ნამდვილი და მეორე არარსებული რუკა, რომელზეც რუსეთი მნიშვნელოვნად არის „გაზრდილი“ უკრაინის ტერიტორიების ხარჯზე. მედვედევმა თავისი ავადმყოფური ფანტაზია გაავრცელა უკრაინის სხვა მეზობელ ქვეყნებზეც - პოლონეთზე, უნგრეთსა და რუმინეთზე, რომლებიც, თითქოს, ასევე აპირებენ უკრაინის მიწების მიტაცებასს. მედვედევი ამ თავის საოცნებო გეგმასაც არარსებულ „დასავლელ ანალიტიკოსებს“ მიაწერს, თუმცა აშკარაა, რომ უკრაინის ამგვარი გაყოფა და მისი ყველაზე მნიშვნელოვანი ოლქების მიტაცება, რუსეთის მთავრობის ოცნება და 24 თებერვალს დაწყებული ე.წ. სპეციალური სამხედრო ოპერაციის მიზანია.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა