რუსეთის პრეზიდენტი ვლადიმერ პუტინი და ბელარუსის პრეზიდენტი ალექსანდრ ლუკაშენკო ჯარების ერთობლივი რეგიონული ჯგუფის განთავსებაზე შეთანხმდნენ. აღნიშნულის შესახებ ინფორმაცია ბელარუსის პრეზიდენტმა, ალექსანდრ ლუკაშენკომ გაავრცელა.

ლუკაშენკოს თქმით, არაა გამორიცხული, რომ ნატო და ევროპის რამდენიმე ქვეყანა ბელარუსის წინააღმდეგ შესაძლო აგრესიის ვარიანტებს განიხილავდნენ

„მოკავშირე სახელმწიფოს დასავლეთ საზღვრებთან ვითარების გაუარესების გამო, ჩვენ შევთანხმდით რუსეთის ფედერაციისა ად ბელარუსის რესპუბლიკის რეგიონული სამხედრო ჯგუფების განლაგებაზე. ეს თავსებადობაში მოდის ჩვენს დოკუმენტებთან, სადაც ნათქვამია, რომ თუ საფრთხის დონე აღწევს ამჟამად არსებულ დონეს, ჩვენ დავიწყებთ მოკავშირე სახელმწიფოს სამხედრო ჯგუფების გამოყენებას. ამ ჯგუფის ძირითადი ნაწილი არის ბელარუსის შეიარაღებული ძალები. გაცნობებთ, რომ ამ ჯგუფის ფორმირება ორი დღის წინ დაიწყო“,- განაცხადა ლუკაშენკომ.

აღსანიშნავია, რომ ლუკაშენკოს არ დაუზუსტებია, კონკრეტულად სად განთავდება ერთობლივი სამხედრო დანაყოფი და გადაწყვეტილებას საჭიროების მიხედვით მიიღებენ.

„ყოველთვის ვამბობდი, ამ დაჯგუფების საფუძველი არის არმია, ბელარუსის რესპუბლიკის შეიარაღებული ძალები. უნდა გაცნობოთ, რომ ამ ჯგუფის ფორმირება დაწყებულია. მგონი, ეს ორი დღეა, გრძელდება“,- დასძიინა ლუკაშენკომ.

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა