ლუგანსკის ოლქის დროებით ოკუპირებულ რაიონებში რუსებმა „ნაწილობრივი” მობილიზაცია დაიწყეს. გამოძახებები შეეხო ყველას - სტუდენტიდან პენსიონერამდე,-  ამის შესახებ ლუგანსკის რეგიონული სამხედრო ადმინისტრაციის ხელმძღვანელმა, სერგეი გაიდაიმ განაცხადა.

მისი თქმით, ნაწილობრივი მობილიზაცია სტარობილსკის და კრემენსკის რაიონებში მიმდინარეობს.

„სტარობილსკის და კრემენსკის რაიონებში ოკუპანტებმა დაიწყეს ნაწილობრივი მობილიზაცია. რატომ არა ნაწილობრივი და არა იძულებითი?  სავარაუდოდ ეს ტერიტორიები უკვე რუსეთის შემადგენლობაშია და იქ ნაწილობრივი მობილიზაციაა გამოცხადებული", - განაცხადა გაიდაიმ.

მისივე თქმით, მოქალაქეების მობილიზებისთვის, ოკუპანტები ეზოებს ათვალიერებენ.

„ისინი გაწვევის საბუთს ყველას აძლევენ განურჩევლად ასაკისა და მდომარეობისა - სტუდენტებს, ავადმყოფებს და მოხუცებს”,- დასძინა გაიდაიმ.

შეგახსენებთ, რომ 23-დან 27 სექტემბრამდე რუსმა ოკუპანტებმა ხერსონის, ზაპოროჟიეს, დონეცკის და ლუგანსკის ოლქების ოკუპირებულ ტერიტორიებზე უკანონო „რეფერენდუმები“ შედეგების გაყალბებით მოაწყეს.

უკვე 30 სექტემბერს რუსეთის დიქტატორმა, ვლადიმერ პუტინმა უკრაინის ოკუპირებული ტერიტორიების ანექსია გამოაცხადა. 

იმავე დღეს კრემლის ხელმძღვანელმა და მისმა მარიონეტებმა  ანექსიის შესახებ შეთანხმებასმოაწერეს ხელი.

ამასთან, ცოტა ხნის წინ, რუსეთის ფედერაციის საკონსტიტუციო სასამართლომ დაამტკიცა შეთანხმებები, უკრაინის ოკუპირებული ტერიტორიების „რუსეთის ფედერაციაში მიღების“ შესახებ.

ხოლო ორშაბათს, 3 ოქტომბერს, რუსეთის სახელმწიფო დუმამ უკრაინის ოკუპირებული ტერიტორიების უკანონო ანექსიას დაუჭირა მხარი.

ხოლო გუშინ, 4 ოქტომბერს კი რუსეთის პრეზიდენტმა, ვლადიმერ პუტინმა ხელი მოაწერა კანონებს, რომლებიც ადასტურებს რუსეთის ფედერაციის მიერ ოკუპირებული უკრაინის დონეცკის, ლუგანსკის, ზაპორიჟიესა და ხერსონის ანექსიას. 

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა