უკრაინის პრეზიდენტი, ვოლოდიმირ ზელენსკი მოითხოვს, შეიქმნას სპეციალური ტრიბუნალი, რომელიც უკრაინაში ჩადენილი დანაშაულების გამო, რუს პოლიტიკურ და სამხედრო ლიდერებს გაასამართლებს. აღნიშნულ ინფორმაციას CNN ავრცელებს.

ზელენსკიმ სპეციალური ტრიბუნალის შესახებ განცხადებით პარიზში მიმდინარე კონფერენციის - „ომი და სამართლის“ მონაწილეებს მიმართა და აღნიშნა, რომ გადაწყვეტილების მიმღები პირები უნდა დაისაჯნონ.

„ჩვენ პასუხისგებაში უნდა მივცეთ ისინი, ვისი გადაწყვეტილებითაც დაიწყო ეს ყველაფერი. ისინი, ვინც თავდაპირველი დანაშაული ჩაიდინა. დანაშაული, რომელშიც თავმოყრილია ის ბოროტება, რაც რუსმა ოკუპანტებმა ჩაიდინეს. და ჩვენ ჯერ კიდევ არ გვაქვს ისეთი ინსტიტუციური საფუძველი, რომ დანაშაულისთვის რუსეთის პოლიტიკურ და სამხედრო ხელმძღვანელობას პასუხი აგებინოს... უკრაინის წინააღმდეგ ჩადენილი დანაშაულისთვის სპეციალური ტრიბუნალი უნდა შეიქმნას, რათა დაისაჯონ ისინი, ვისზეც, სამწუხაროდ, არ მიუწვდება ხელი სისხლის სამართლის საერთაშორისო სასამართლოს და მსოფლიოს ყველა სხვა სასამართლო ინსტიტუტს", - განაცხადა ზელენსკიმ.

მანვე, უკრაინის ტერიტორიაზე რუსეთის ჯარების მიერ ჩადენილი სავარაუდო დანაშაულების გამოძიებისთვის, საერთაშორისო სისხლის სამართლის სასამართლოს მუშაობა შეაქო.

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა