ჩვენ ვიწყებთ უკრაინის ნატოში გაწევრიანების პროცესს და მივიყვანთ ბოლომდე,- ამის შესახებ ფრაქცია “ხალხის მსახურის” ლიდერი, დავით არახამია Telegram-არხზე წერს. 

მისი თქმით, პროცესი დაწყებულია დაუკან დასაბრუნებელი გზა არ არის.

„ჩვენ ვიწყებთ უკრაინის ნატოში გაწევრიანების პროცესს და მივიყვანთ ბოლომდე -  ჩვენი ოფიციალური განცხადება უკვე ნატოს შტაბ-ბინაშია, ბრიუსელში.

მანამდე, 4 მარტს, საშინელი ამბების მწვერვალზე, პრეზიდენტმა გვითხრა, რომ ომის დასრულებამდე ნატო-სა და ევროკავშირის წევრები გავხდებოდით.

სიმართლე გითხრათ, მაშინ ვერ წარმოვიდგენდი. ომამდე, არაფორმალურ შეხვედრებზე, დასავლელი ელჩები, ჩანაწერების გარეშე, პირდაპირ ამბობდნენ, რომ არ სურდათ რუსეთთან დაპირისპურება ჩვენი განზრახვების გამო.

მაგრამ ვითარება რადიკალურად შეიცვალა, როდესაც მთელმა მსოფლიომ დაინახა, რისი გაკეთება შეეძლო ჩვენს შეიარაღებულ ძალებს დაწინაურებულ „მსოფლიოს მეორე არმიასთან“. დღეს უკრაინა საერთაშორისო ასპარეზზე სულ სხვა მასშტაბის მოთამაშეა. პრეზიდენტი ზელენსკი ლიდერობს მსოფლიოს ყველაზე გავლენიანი ადამიანების რეიტინგში. დასანანი იქნება, არ ვისარგებლოთ მომენტით და არ ვეცადოთ, მივუახლოვდეთ კონსტიტუციაში ჩაწერილ მიზანს და რეკორდულ დროში გავხდეთ ნატოს წევრი.

პროცესი დაწყებულია, უკან დასაბრუნებელი გზა არ არის, ვიღებთ ევროკავშირში გაწევრიანების კანდიდატის სტატუსის მოპოვებისას მიღებულ სამუშაო გამოცდილებას და წინ მივდივართ ნახტომებით.

უფრო მეტიც, ჩვენ მარტო აღარ ვართ. 11 ქვეყანამ საჯაროდ დაგვიჭირა მხარი, მათ შორის:

• კანადა
• პოლონეთი
• სლოვაკეთი
• ჩეხეთის რესპუბლიკა
• რუმინეთი
• ლიტვა
• ესტონეთი
• ლატვია
• ხორვატია
• მონტენეგრო
• ჩრდილოეთ მაკედონია

ჩვენ ვაგრძელებთ ხმების შეგროვებას მთელი ქვეყნის მასშტაბით. ჩვენ აუცილებლად მივაღწევთ ჩვენს მიზანს. მაშინაც კი, თუ ჩვენი მიზნები ვინმესთვის არარეალური ან ძალიან ამბიციური ჩანს. სამყარო შეიცვალა. ჩვენ შევცვალეთ. და ამ სამყაროში ჩვენი ქვეყანა დაიკავებს ღირსეულ ადგილს."- წერს არახამია.

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა