ჩვენთვის რუსეთის ფედერაცია აბსოლუტურად დამცირებული სუბიექტია,-  ამის შესახებ უკრაინის პრეზიდენტის აპარატის უფროსის მრჩეველმა, მიხაილ პოდოლიაკმა განაცხადა.

მისი თქმით, უკრაინაში არ არსებობს ტერიტორიები, რომლებსაც მოსკოვმა შეუძლია საკუთარი უწოდოს.

„უკრაინის ტერიტორიები დროებით ოკუპირებულია. პრინციპში, ეს მშვიდად უნდა მივიღოთ, რადგან ომი ომია. ჩვენ დაგვჭირდება ამ ტერიტორიების გათავისუფლება, მიუხედავად იმისა, რას გვეტყვის რუსეთი. ჩვენთვის რუსეთის ფედერაცია აბსოლუტურად დამცირებული სუბიექტია, რომელსაც სამწუხაროდ, აქვს ბევრი რესურსი. მიუხედავად ამისა, სავსებით შესაძლებელია მათთან გამკლავება იმ ბოროტების დასჯის თვალსაზრისით, რაც მათ ამ სამყაროში მოიტანეს,- განაცხადა პოდოლიაკმა.

მისივე თქმით, დასავლელ პოლიტიკოსებს არ შეუძლიათ დაიჯერონ, რომ სამყარო სხვანაირად გამოიყურება, რომ მსოფლიოში არ არსებობს ძლიერი ქვეყანა, რომელსაც რუსეთის ფედერაცია ჰქვია, რომ არ არსებობს ისეთი სუბიექტი, როგორიც პუტინი იყო, რომელსაც პატივი უნდა სცენ.

„ისინი ვერ აღიარებენ, რომ დიდი ხნის განმავლობაში ცხოვრობდნენ ილუზიაში, რამაც გამოიწვია ეს ტრაგედია, რომელშიც აღმოჩნდა უკრაინა. აქ ძალიან ვაქებ ევროპულ ელიტებს. ვფიქრობ, რომ ისინი დღეს წარმოუდგენელ საქმეს აკეთებენ. რათა დაარღვიონ თავიანთი შინაგანი ცრურწმენები, დაარღვიონ აბსოლუტურად არასწორი შეფასებები, რომლებიც მათზე დიდი ხანია დომინირებს და გამოვიდნენ შიშის კუბოდან რუსეთის ფედერაციასთან მიმართებაში”,- დასძინა პოდოლიაკმა.

შეგახსენებთ, რომ 23-დან 27 სექტემბრამდე რუსმა ოკუპანტებმა ხერსონის, ზაპოროჟიეს, დონეცკის და ლუგანსკის ოლქების ოკუპირებულ ტერიტორიებზე უკანონო „რეფერენდუმები“ შედეგების გაყალბებით მოაწყეს.

უკვე 30 სექტემბერს რუსეთის დიქტატორმა, ვლადიმერ პუტინმა უკრაინის ოკუპირებული ტერიტორიების ანექსია გამოაცხადა. 

იმავე დღეს კრემლის ხელმძღვანელმა და მისმა მარიონეტებმა  ანექსიის შესახებ შეთანხმებასმოაწერეს ხელი.

ამასთან, ცოტა ხნის წინ, რუსეთის ფედერაციის საკონსტიტუციო სასამართლომ დაამტკიცა შეთანხმებები, უკრაინის ოკუპირებული ტერიტორიების „რუსეთის ფედერაციაში მიღების“ შესახებ.

ხოლო ორშაბათს, 3 ოქტომბერს, რუსეთის სახელმწიფო დუმამ უკრაინის ოკუპირებული ტერიტორიების უკანონო ანექსიას დაუჭირა მხარი.

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა