უკრაინის, პრეზიდენტმა, ვოლოდიმირ ზელენსკიმ დაამტკიცა ეროვნული უშიშროებისა და თავდაცვის საბჭოს გადაწყვეტილება, რომლის თანახმადაც, უკრაინა ვერ აწარმოებს მოლაპარაკებებს რუსეთის ფედერაციის პრეზიდენტთან, ვლადიმირ პუტინთან.

აღნიშნული განკარგულება პრეზიდენტის ვებგვერდზე უკვე გამოქვეყნდა და ძალაში გამოქვეყნებისთანავე შედის.

„განაცხადოს რუსეთის ფედერაციის პრეზიდენტ ვლადიმერ პუტინთან მოლაპარაკებების წარმოების შეუძლებლობა“,- აღნიშნულია განცხადებაში.

ამავდროულად, განკარგულება რეკომენდაციას უწევს უმაღლეს რადას მიიღოს „შესაბამისი კანონპროექტები რუსეთის ფედერაციის მხრიდან ესკალაციის შესახებ სათანადო სანქციების და სხვა რეაგირების შესახებ“, ხოლო მინისტრთა კაბინეტს „რუსეთის ფედერაციიდან ესკალაციის კონტექსტში“ უზრუნველყოს უკრაინის თავდაცვისუნარიანობის გაძლიერება "უკრაინას სამხედრო-ტექნიკური დახმარების მიწოდების გაზრდით".

საუბარია ეროვნული უსაფრთხოებისა და თავდაცვის საბჭოს 30 სექტემბრის გადაწყვეტილებაზე.

შეგახსენებთ, პარასკევს, 30 სექტემბერს, ეროვნული უსაფრთხოებისა და თავდაცვის საბჭომ გადაწყვიტა სანქციების დაწესება 3600 ადამიანის წინააღმდეგ, რომლებიც მონაწილეობდნენ უკრაინის წინააღმდეგ აგრესიული ომის გაჩაღებაში ან რუსეთის პრეზიდენტის ვლადიმერ პუტინის რეჟიმის მხარდაჭერაში.

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა