2022-10-03 15:58:36, 1019 ნახვა
მსოფლიო
ლიეტუვის საგარეო უწყებამ რუსი დიპლომატი პერსონა ნონ გრატად გამოაცხადა
ლიეტუვის საგარეო საქმეთა სამინისტრომ რუსი დიპლომატი სერგეი რიაბოკონი პერსონა ნონ გრატად გამოაცხადა. აღნიშნულ ინფორმაციას CNN ავრცელებს.
უწყება მიიჩნევს, რომ დიპლომატის ბოლო ქმედებები და განცხადებები "მის დიპლომატიურ სტატუსთან შეუთავსებელი იყო".
საგარეო საქმეთა სამინისტროს მიერ ორშაბათს გამოქვეყნებულ პრესრელიზში ნათქვამია, რომ რიაბოკონს, ვილნიუსში რუსეთის საელჩოს საქმეთა დროებით რწმუნებულს, ქვეყნის დასატოვებლად ხუთი დღე მიეცა.
„ლიეტუვის საგარეო საქმეთა სამინისტრომ ასევე კატეგორიულად გააპროტესტა რუსეთის პრეზიდენტის 30 სექტემბრის გადაწყვეტილება უკრაინის დონეცკის, ლუგანსკის, ხერსონისა და ზაპორიჟიეს რეგიონების უკანონო ანექსიის შესახებ", - ნათქვამია დიპლომატიური უწყების განცხადებაში.
ავტორი: ექსპრესნიუსი,
epn.ge (@expressnews.ge)
