უკრაინის პრეზიდენტის ვოლოდიმირ ზელენსკის განცხადებით, ამ კვირაში სამხედროების ანგარიშებში უდიდესი ნაწილი რუსი ოკუპანტებისაგან გათავისუფლებული დასახლებულ პუნქტებს უჭირავს.

„ყოველდღე ორჯერ მაინც, დილით და საღამოს, მე ვიღებ ანგარიშებს ჩვენი სამხედროებისგან. ამ კვირაში მოხსენებებში უდიდესი ნაწილი უკავია ჩვენი თავდაცვითი ოპერაციის ფარგლებში მტრისგან გათავისუფლებულ დასახლებულ პუნქტებს. დონეცკის ოლქის ლიმანის გათავისუფლების ამბავი ახლა ყველაზე მეტად გავრცელდა. მაგრამ ჩვენი მეომრების წარმატებები მხოლოდ ლიმანით არ შემოიფარგლება. იცით, ასეთი ტენდენციაა… ცოტა ხნის წინ, ვიღაცამ სადღაც ფსევდორეფერენდუმები გამართა და როცა რეგიონში უკრაინის დროშა ბრუნდება, რუსული ფარსი რაღაც ფურცლებით და რაღაც ანექსიებით არავის ახსოვს. გარდა, რა თქმა უნდა, უკრაინის სამართალდამცავი ორგანოების. რადგან ამაზე პასუხს აგებს ყველა, ვინც ჩართულია ჩვენი სახელმწიფოს წინააღმდეგ აგრესიის ნებისმიერ ელემენტში“, – აღნიშნა ვოლოდიმირ ზელენსკიმ.

 ზელენსკიმ ხაზგასმით აღნიშნა, რომ ამაზე პასუხისმგებელი იქნება ყველა, ვინც ჩართულია უკრაინის წინააღმდეგ აგრესიის ნებისმიერ ელემენტში.

"მადლობას ვუხდი ყველას, ვინც აახლოებს გამარჯვების ამ წუთებს, ვინც უკრაინის დროშას უკრაინის მიწაზე თავის კუთვნილ ადგილზე დააბრუნებს. მადლობას ვუხდი ყველას: გენერლებიდან დაწყებული ჯარისკაცებით, პროფესიონალი სამხედროებით, დაზვერვის ოფიცრებით, სპეცრაზმიდან მოხალისეებამდე და ყველას, ვინც ეხმარება. დავიცვათ ჩვენი სახელმწიფო“, - განაცხადა პრეზიდენტმა.

მან მადლობა გადაუხადა საჰაერო თავდასხმის ჯარების 25-ე, 80-ე, 81-ე, 95-ე ბრიგადებს უკრაინის აღმოსავლეთში მიღწეული წარმატებებისთვის; მე-14 და 92-ე ცალკეული მექანიზებული ბრიგადებს; 1-ლი, მე-4 და მე-17 სატანკო ბრიგადებს; სპეციალური ოპერაციების ძალებს, ეროვნული გვარდიისა და ეროვნული პოლიციის ქვედანაყოფებს, უკრაინის უსაფრთხოების სამსახურისა და თავდაცვის სამინისტროს მთავარი სადაზვერვო სამმართველოს თანამშრომლებს.

ავტორი: ექსპრესნიუსი,

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს