რუსეთმა უკრაინაში ჩატარებული „რეფერენდუმის“ არალეგალურად ცნობის გამო, გაერო-ს რეზოლუციას ვეტო დაადო

2022-10-01 10:03:56, 1614 ნახვა

მსოფლიო

რუსეთმა ვეტო დაადო გაერო-ს უშიშროების საბჭოს რეზოლუციას, რომელშიც მოსკოვის მიერ უკრაინის ოთხ ოლქში ჩატარებული რეფერენდუმი არალეგალურად არის აღიარებული.

მედიის ცნობით, 15 წევრიან საბჭოში რუსეთი იყო ერთადერთი ქვეყანა, რომელიც რეზოლუციის მიღების წინააღმდეგი გამოვიდა. ჩინეთმა, ინდოეთმა, ბრაზილიამ და გაბონმა ხმის მიცემისგან თავი შეიკავეს.„ამ ნაბიჯი ჩვენ ვაჩვენებთ, რომ მსოფლიო დაადასტურებს, რომ სამყარო კვლავ უჭერს მხარს სუვერენიტეტს და იცავს ქვეყნების ტერიტორიულ მთლიანობას“- აღიშნულია განცხადებაში.

გაერო-ში უკრაინის მუდმივმა წარმომადგენელმა რეზოლუციის დაბლოკვას სამწუხარო ფაქტი უწოდა.

მისი თქმით, გაერო-ს უშიშროების საბჭოში რუსეთის ყოფნა, ხელს უშლის მის ფუნქციონირებას. როგორც რეზოლუციის ინიციატორი ქვეყნის აშშ-ის მუდმივმა წარმომადგენელმა, ლინდა ტომას გრინფილდმა განაცხადა, რუსეთის ვეტოს გამო, აღნიშნული დოკუმენტი გაერო-ს გენერალური ასამბლეის კენჭისყრაზე დადგება.

შეგახსენებთ, რომ გუშინ, რუსეთის პრეზიდენტმა ვლადიმერ პუტინმა უკრაინის ოთხი ოკუპირებული რეგიონის ანექსიის შესახებ განკარგულებას ხელი მოაწერა.