უკრაინის პრეზიდენტმა, პრემიერმა და პარლამენტის თავმჯდომარემ, ნატოში დაჩქარებული წესით გაწევრიანების დოკუმენტს ხელი მოაწერეს

2022-09-30 18:35:56, 1634 ნახვა

ომი უკრაინაში

უკრაინის პრეზიდენტი ვოლოდიმირ ზელენსკი, უმაღლესი რადას სპიკერი რუსლან სტეფანჩუკი და უკრაინის პრემიერ მინისტრი დენის შმიჰალი ხელს აწერენ უკრაინის ნატოში გაწევრიანების დაჩქარებულ პროცედურას. ქვეყნის ხელმძღვანელებმა დოკუმენტს ხელი საჯაროდ მოაწერეს.

ქვეყნის პრეზიდენტმა ვლადიმირ ზელენსკიმ განაცხადა, რომ თავსებადობა ჩრდილოატლანტიკური ალიანსის სტანდარტებთან უკვე რეალურია.

"დე ფაქტო ჩვენ უკვე ავიღეთ გზა ნატოსკენ. დე ფაქტო, ჩვენ უკვე დავამტკიცეთ თავსებადობა ჩრდილოატლანტიკური ალიანსის სტანდარტებთან. ისინი რეალურია უკრაინისთვის - რეალურია ბრძოლის ველზე და ჩვენი ურთიერთობის ყველა ასპექტში.

ჩვენ ვენდობით ერთმანეთს, ვეხმარებით და ვიცავთ ერთმანეთს. ეს არის ჩრდილოატლანტიკური ალიანსი. დე ფაქტო. დღეს უკრაინა აცხადებს, რომ ის დე იურე გახდეს. ისე, რომ შეესაბამება ჩვენს ვალდებულებას, დავიცვათ მთელი ჩვენი საზოგადოება. დაჩქარებული წესით.

ჩვენ გადამწყვეტ ნაბიჯს ვდგამთ უკრაინის ნატოში დაჩქარებული გაწევრიანების შესახებ განცხადებაზე ხელმოწერით." - განაცხადა ვლოდიმერ ზელენსკიმ.

რუსეთის პრეზიდენტმა, ვლადიმირ პუტინმა უკრაინის ოთხი ოკუპირებული რეგიონის ანექსიის შესახებ განკარგულებას ხელი მოაწერა.