სომხეთი და აზერბაიჯანი სასაზღვრო ზონაში შეიარაღებული დაპირისპირებისა და მსხვერპლის შესახებ ინფორმაციას ავრცელებენ.

სომხეთის თავდაცვის სამინისტროს ინფორმაციით, აზერბაიჯანის არმიის ნაწილების პროვოკაციას სამი სომეხი ჯარისკაცი ემსხვერპლა. სომხეთის პრემიერ-მინისტრის, ნიკოლ ფაშინიანის განცხადებით, ქვეყნის ტერიტორიაზე აზერბაიჯანის შეჭრა უნდა შეწყდეს და საზღვარზე საერთაშორისო დამკვირვებლები უნდა განთავსდნენ.

პარალელურად, აზერბაიჯანის თავდაცვის სამინისტრომ ცეცხლის გახსნის შესახებ ინფორმაცია უარყო და ზავის დარღვევაში ოფიციალური ერევანი დაადანაშაულა. ბაქოში აცხადებენ, რომ სომხეთის არმიის სამხედროებმა კელბაჯარის რაიონის მიმართულებაზე განთავსებულ აზერბაიჯანელ ჯარისკაცებს ცეცხლი გაუხსნეს, რის შედეგად ერთი სამხედრომ სხეულის დაზიანება მიიღო.

შეგახსენებთ, რომ 14 სექტემბერს, სომხეთისა და აზერბაიჯანის საზღვარზე საომარი მოქმედებები დაიწყო. მხარეებმა ერთმანეთი პროვოკაციებში დაადანაშაულეს. ერევანმა დილით მიმართა რუსეთს, CSTO-ს და გაეროს უშიშროების საბჭოს.

სომხეთის ცნობით, აზერბაიჯანელმა სამხედროებმა ქვეყნის ტერიტორიაზე საარტილერიო ცეცხლი გახსნეს.

ერევნის ცნობით, ბაქომ გამოიყენა დრონები და ასევე მიიღო "მოქმედებები პოზიციების წინსვლისთვის" ზოგიერთ რაიონში.

დაზარალდა საზღვარზე მდებარე ტერიტორიები - გეღარქუნიკის, ვაიოც ძორის, სიუნიქის რეგიონები (აკავშირებს სომხეთს ირანთან), რომლებიც არ არის დაკავშირებული მთიან ყარაბაღთან.

მომხდარი დაპირისპირების შედეგად, სომხური მხრიდან 207, ხოლო აზერბაიჯანის მხრიდან 79 სამხედრო დაიღუპა.

ცეცხლის შეწყვეტის შეთანხმების დარღვევაში ორივე მხარე ერთმანეთს ადანაშაულებს.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!