გერმანია მოუწოდებს რუსეთის პრეზიდენტს ვლადიმერ პუტინს, არ დაუშვას უკრაინის წინააღმდეგ ბირთვული იარაღის გამოყენება და მხარი დაუჭიროს აშშ-ს პოზიციას ამ საკითხთან დაკავშირებით,- ამის შესახებ გერმანიის კანცლერმა, ოლაფ შოლცმა Neue Osnabrücker Zeitung-თან ინტერვიუში განაცხადა.

მისი თქმით, პუტინის მობილიზაცია „სასოწარკვეთა და პანიკური რეაქციაა აღმოსავლეთ უკრაინაში რუსეთის შეიარაღებული ძალების წარუმატებლობაზე“.

„პუტინი შეცდომას შეცდომაზე უშვებს. მას შეუძლია დაუყონებლივ დაასრულოს ეს ომი თავისი ჯარების გაყვანით და შემდეგ კიევთან მოლაპარაკებების დაწყებით,"- განაცხადა შოლცმა.

ამავე დროს, ჟურნალისტის კითხვაზე, სჯერა თუ არა შოლცს რუსი დიქტატორის მიერ ბირთვული იარაღის გამოყენების, მან უპასუხა, რომ „დარწმუნებით ვერავინ იცის“.

„ვინ იცის? მაგრამ, ისევე როგორც აშშ-ს პრეზიდენტს, ჯო ბაიდენს, მინდა რუსეთში ჩასვლა და ძალიან მკაფიოდ ვთქვა: დაივიწყე ეს ",- განაცხადა კანცლერმა.

ამასთან, შოლცმა ყურადღება გაამახვილა იმ ფაქტზეც, რომ გერმანია გააგრძელებს უკრაინის მხარდაჭერას იარაღის საკითხში.

„გერმანია უკრაინას მაქსიმალურად უჭერს მხარს და ამავდროულად ყველაფერს აკეთებს იმისათვის, რომ ნატო-რუსეთს შორის პირდაპირი კონფლიქტი თავიდან აცილოს“,- დასძინა შოლცმა.

შეგახსენებთ, რომ ოთხშაბათს, 21 სექტემბერს, რუსეთის პრეზიდენტმა ვლადიმერ პუტინმა რუსებს მიმართა. მასში მან არა მხოლოდ გამოაცხადა ნაწილობრივი მობილიზაცია რუსეთის ფედერაციაში, არამედ მთელ მსოფლიოს ბირთვული იარაღით დაემუქრა. 

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!