მობილიზაციის შემდეგ პუტინს ხარკოვისა და ოდესის დაკავება სურს,- ამის შესახებ ინფორმაციას Bloomberg-ი ავრცელებს.

გამოცემის ცნობით, რუსი დიქტატორი, ვლადიმერ პუტინი კვლავ აგრძელებს უკრაინის ხელში ჩაგდების გეგმებს, მიუხედავად იმისა, რომ ამ მიზნის მიღწევის შანსი სულ უფრო მცირეა.

მათივე ცნობით, კრემლთან დაახლოებული ზოგიერთი ადამიანი თვლის, რომ რუსეთი საბოლოოდ შეძლებს დაიბრუნოს ინიციატივა და კიდევ უფრო შეაღწიოს უკრაინაში, ამასთან შესაძლოა, რომ დაიპყროს ისეთი საკვანძო ქალაქები, როგორიცაა ხარკოვი და ოდესა.

„მიუხედავად იმისა, რომ ეს წარმოუდგენელია კიევის ბოლოდროინდელი ბრძოლის ველზე მიღწეული წარმატებების გათვალისწინებით, რუსი ოფიციალური პირები დარწმუნებულნი არიან, რომ მათ ძალებს შეუძლიათ უკრაინა ჩიხში მიიყვანონ და უზრუნველყონ რაიმე სახის წინსვლა, რომელიც დაადასტურებს მათ მიღწევებს მაინც”,- აღნიშნულია ინფორმაციაში.

ამისთან, ნაკლებად სავარაუდოა, რომ 300 000 მობილიზებულმა ჯარისკაცმა, ცუდად გაწვრთნილმა და მოტივირებულმა, შეძლოს ბრძოლის ველზე მდგომარეობის შეცვლა. 

შეგახსენებთ, რომ 21 სექტემბერს რუსეთის პრეზიდენტმა, ვლადიმირ პუტინმა რუსეთში ნაწილობრივი მობილიზაცია გამოაცხადა. 

პუტინის თქმით, მობილიზაცია უკრაინის ოკუპირებულ ტერიტორიებზე „რეფერენდუმების“ უსაფრთხოდ ჩატარებას უკავშირდება და ითვალისწინებს თავდაცვის სამინისტროს რჩევას.

23 სექტემბერს რუსეთმა უკრაინის 4 ოლქში ე.წ "რეფერენდუმს" ჩაატარა.

კენჭისყრა დონეცკის, ლუგანსკის, ხერსონისა და ზაპოროჟიეს ოკუპირებული ოლქების "რუსეთთან მიერთებას გულისხმობდა”.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!