2022-09-26 12:20:22, 1242 ნახვა
მსოფლიო
რუსეთში, მამაკაცი სკოლაში შეიჭრა და ცეცხლი გახსნა - დაიღუპა 7 ადამიანი, აქედან 3 ბავშვია
რუსეთში, ქალაქ იჟევსკის 88-ე სკოლაში შავ კოსტუმში გამოწყობილი მამაკაცი შეიჭრა და დაცვას ცეცხლი გაუხსნა. ამის შესახებ ინფორმაცია ადგილობრივ ტელეგრამ არხებზე ვრცელდება.
არსებული ცნობით, მომხდარს სულ მცირე 7 ადამიანის სიცოცხლე ემსხვერპლა, აქედან 3 არასრულწლოვანია.
ამ წუთებში, სკოლის შენობიდან მოსწავლეებისა და მასწავლებლების ევაკუაცია მიმდინარეობს.
შემთხვევის ადგილზე უსაფრთხოების ძალები არიან მობილიზებული. თავდამსხმელი დაკავებული არ არის.
ავტორი: ექსპრესნიუსი,
epn.ge (@expressnews.ge)
