სომხეთი და აზერბაიჯანი ერთმანეთს ცეცხლის შეწყვეტის შეთანხმების დარღვევაში ადანაშაულებენ, - აღნიშნულის შესახებ ინფორმაციას Reuters ავრცელებს.

Reuters-ის ცნობით, ორივე ქვეყნის თავდაცვის სამინისტრომ გაავრცელა განცხადება, სადაც ერთმანეთს, საერთო საზღვრის გასწვრივ განახლებულ შეტაკებებსა და ცეცხლის გახსნაში ადანაშაულებენ.

„23 სექტემბერს, 07:40 საათზე, აზერბაიჯანის შეიარაღებული ძალების ნაწილებმა კვლავ დაარღვიეს ცეცხლის შეწყვეტის რეჟიმი სხვადასხვა პოზიციიდან სროლით სომხეთ-აზერბაიჯანის საზღვრის აღმოსავლეთ რაიონში მდებარე სომხური საბრძოლო პოზიციების მიმართ“, - აღნიშნულია სომხეთის თავდაცვის სამინისტროს განცხადებაში.

მათივე ცნობით, სომხეთმა მტრის ცეცხლი საპასუხო მოქმედებებით ჩაახშო.

სომხეთის განცხადებიდან მალევე, აზერბაიჯანის თავდაცვის სამინისტრომ გამოაქვეყნა პასუხი და აღნიშნა, რომ პირველმა სომხეთმა გახსნა ცეცხლი.

„მათ წყვეტილად დაბომბეს აზერბაიჯანის შეიარაღებული ძალების პოზიციებს შერეული კალიბრის მცირე იარაღით”,- აღნიშნულია განცხადებაში.

შეგახსენებთ, რომ 14 სექტემბერს, სომხეთისა და აზერბაიჯანის საზღვარზე საომარი მოქმედებები დაიწყო. მხარეებმა ერთმანეთი პროვოკაციებში დაადანაშაულეს. ერევანმა დილით მიმართა რუსეთს, CSTO-ს და გაეროს უშიშროების საბჭოს.

სომხეთის ცნობით, აზერბაიჯანელმა სამხედროებმა ქვეყნის ტერიტორიაზე საარტილერიო ცეცხლი გახსნეს.

ერევნის ცნობით, ბაქომ გამოიყენა დრონები და ასევე მიიღო "მოქმედებები პოზიციების წინსვლისთვის" ზოგიერთ რაიონში.

დაზარალდა საზღვარზე მდებარე ტერიტორიები - გეღარქუნიკის, ვაიოც ძორის, სიუნიქის რეგიონები (აკავშირებს სომხეთს ირანთან), რომლებიც არ არის დაკავშირებული მთიან ყარაბაღთან.

მომხდარი დაპირისპირების შედეგად, სომხური მხრიდან 207, ხოლო აზერბაიჯანის მხრიდან 79 სამხედრო დაიღუპა.

ცეცხლის შეწყვეტის შეთანხმების დარღვევაში ორივე მხარე ერთმანეთს ადანაშაულებს.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!