გაეროს გენერალური ასამბლეის ყოველწლიურ გენერალურ ასამბლეაზე მსოფლიო ლიდერების რამდენიმე დღიანი გამოსვლების შემდეგ,  რუსეთის საგარეო საქმეთა მინისტრი სერგეი ლავროვი უშიშროების საბჭოს სიტყვით გამოვიდა.

ლავროვი მხოლოდ საბჭოს პალატაში იმყოფებოდა 15-წევრიანი ორგანოს სხდომაზე, რომელსაც ესწრებოდნენ აშშ-ის სახელმწიფო მდივანი ანტონი ბლინკენი და ჩინეთის საგარეო საქმეთა მინისტრი ვანგ ი. 

ის მივიდა მის გამოსვლამდე რამდენიმე წუთით ადრე და გამოტოვა აშშ-ს სახელმწიფო მდივნის ანტონი ბლინკენის გამოსვლა, რომელიც აკრიტიკებდა მოსკოვს, უკრაინაში ჩადენილი ომის დანაშაულების გამო.  ლავროვს სხვების საუბარი არ მოუსმინა.

„დღეს შევამჩნიე, რომ რუსი დიპლომატები გარბიან ისევე, როგორც რუსული ძალები“, - განუცხადა უკრაინის საგარეო საქმეთა მინისტრმა დმიტრო კულებამ უშიშროების საბჭოს სხდომაზე.

ლავროვმა მის გამოსვლაში განაცხადა, რომ კიევი დიდი ხანია ავიწროებს რუსულენოვანებს და რომ დასავლეთის მხარდაჭერა უკრაინისადმი მუქარას წარმოადგენს მოსკოვისთვის. მთელი ამ ხნის განმავლობაში უკრაინის საგარეო საქმეთა მინისტრი დიმიტრო კულება ადგილზე იმყოფებოდა.

ლავროვმა დაადანაშაულა კიევი რუსეთის უსაფრთხოებისთვის მუქარაში და უკრაინაში რუსებისა და რუსულენოვანი ადამიანების უფლებების „უხეშად ხელყოფაში“ და დასძინა, რომ ეს ყველაფერი „უბრალოდ ადასტურებს, რომ სპეციალური სამხედრო ოპერაციის ჩატარების გადაწყვეტილება გარდაუვალი იყო“.

კულებამ კი თქვა: "რუსი დიპლომატებისგან მომდინარე ტყუილების რაოდენობა საკმაოდ უჩვეულოა".

ლავროვმა თქვა, რომ ქვეყნები, რომლებიც უკრაინას იარაღს აწვდიან და მის ჯარისკაცებს ამზადებენ, კონფლიქტის მხარეები არიან და დასძინა, რომ "კოლექტიური დასავლეთის მიერ ამ კონფლიქტის განზრახ წახალისება დაუსჯელი დარჩა." ბლინკენმა პირობა დადო, რომ ვაშინგტონი გააგრძელებს უკრაინის მხარდაჭერას საკუთარი თავის დასაცავად.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!