რუსეთმა უკრაინის წინააღმდეგ ომის დასრულების ნაცვლად დაპირისპირების გზა აირჩია,- ამის შესახებ ევროკომისიის ვიცე-პრეზიდენტმა, საგარეო და უსაფრთხოების პოლიტიკის საკითხებში ევროკავშირის უმაღლესსმა წარმომადგენელმა, ჯოსეფ ბორელმა განაცხადა.

ბორელის თქმით,  21 სექტემბერს რუსეთმა აირჩია კონფრონტაციის გზა, გამოაცხადა ნაწილობრივი მობილიზაცია და მხარი დაუჭირა უკანონო რეფერენდუმის ორგანიზებას მის მიერ ოკუპირებულ უკრაინის ტერიტორიებზე, მასობრივი განადგურების იარაღის გამოყენების მუქარისთ.

„ევროკავშირი გმობს რუსეთის მიერ უკრაინის წინააღმდეგ მისი უკანონო, არაპროვოცირებული და გაუმართლებელი აგრესიის გამწვავებას. მიუხედავად საზოგადოების მრავალი მოწოდებისა, რომ რუსეთმა სასწრაფოდ შეწყვიტოს სამხედრო აგრესია უკრაინის წინააღმდეგ, მისმა ხელმძღვანელობამ, სამწუხაროდ, საკითხი სულ სხვაგვარად გადაწყვიტა”, - განაცხადა ბორელმა.

მისივე თქმით, ევროკავშირი კატეგორიულად გმობს უკანონო რეფერენდუმის მოწყობის გეგმებს, რომლებიც მიზნად ისახავს რუსეთის მიერ ოკუპირებული  ტერიტორიების ანექსიას.

„ევროკავშირი კატეგორიულად გმობს უკანონო რეფერენდუმის მოწყობის გეგმებს, რომლებიც მიზნად ისახავს რუსეთის მიერ დონეცკის, ხერსონის, ლუგანსკის და ზაპოროჟიეს რეგიონების ტერიტორიების ანექსიას - უკრაინის ნაწილებს, რომლებიც ამჟამად რუსეთის მიერ არის ოკუპირებული“, - განაცხადა ევროოკავშირის უმაღლესმა წარმომადგენელმა.

გარდა ამისა, ბორელმა ასევე აღნიშნა, რომ უკანონო რეფერენდმები უკრაინის დამოუკიდებლობის, სუვერენიტეტისა და ტერიტორიული მთლიანობის კიდევ ერთი უხეში დარღვევა და გაეროს წესდების სერიოზული დარღვევა. ამასთან, ევროკავშირი უმეორებს თავის მოწოდებას რუსეთს, დაიცვას გაეროს წესდება და აღნიშნა, რომ ევროკავშირი და მისი წევრი ქვეყნები არასოდეს აღიარებენ ოკუპირებულ ტერიტორიებს უკრაინის ნაწილად და მხარს დაუჭერენ უკრაინის ძალისხმევას ტერიტორიული მთლიანობის აღსადგენად მანამ, სანამ საჭირო იქნება.

ცნობისთვის, რუსეთი რეფერენდუმის ჩატარებას ოკუპირებულ დონეცკში, ლუგანსკსა და ხერსონის ნაწილში 23-27 სექტემბერს გეგმავს..

24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!