ევროკავშირის საგარეო საქმეთა მინისტრები რუსეთის წინააღმდეგ სანქციების ახალი, მე-8 პაკეტის მომზადებასა და კიევისთვის იარაღის მიწოდების გაზრდაზე შეთანხმდნენ. აღნიშნულ ინფორმაციას სააგენტო "როიტერი" ავრცელებს.

გამოცემის ცნობით, ნიუ-იორკში, გაერო-ს გენერალურ ასამბლეაზე მყოფმა ბლოკის 27-მა საგარეო საქმეთა მინისტრმა აღნიშნული გადაწყვეტილება მას შემდეგ მიიღო, რაც  რუსეთის პრეზიდენტმა, ვლადიმერ პუტინმა, მეორე მსოფლიო ომის შემდგომ, ქვეყანაში პირველი ნაწილობრივი სამხედრო მობილიზაცია გამოაცხადა.

ევროკავშირის სპეციალური წარმომადგენელი, საგარეო პოლიტიკისა და უსაფრთხოების საკითხებში ჯოზეფ ბორელი ამბობს, რომ პუტინის განცხადებამ, უკრაინის ტერიტორიის ანექსიისა და ბირთვული იარაღის გამოყენების შესახებ, პანიკა და სასოწარკვეთა აჩვენა. 

„აშკარაა, რომ პუტინი ცდილობს უკრაინის განადგურებას“, - განუცხადა ბორელმა ჟურნალისტებს მინისტრების შეხვედრის შემდეგ და დასძინა, რომ მინისტრების შეთანხმების თანახმად, სანქციების ახალი პაკეტი მიმართული იქნება "რუსეთის ეკონომიკის უფრო რელევანტური სექტორების და იმ ადამიანების წინააღმდეგ, რომლებიც პასუხისმგებელნი არიან უკრაინაში მიმდინარე აგრესიულ ომზე".

ევროკავშირის საგარეო საქმეთა მინისტრების მომავალი ოფიციალური შეხვედრა გაიმართება ოქტომბრის შუა რიცხვებში, რა დროსაც სანქციების პაკეტის ფორმალიზება მოხდება.

შეგახსენებთ, ოთხშაბათს, 21 სექტემბერს, რუსეთის პრეზიდენტმა, ვლადიმერ პუტინმა რუსებს მიმართა. მან არა მხოლოდ გამოაცხადა ნაწილობრივი მობილიზაცია რუსეთის ფედერაციაში, არამედ მთელ მსოფლიოს ბირთვული იარაღით დაემუქრა.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!