ხალხი და ქვეყანა უკვე მობილიზებულია, - ასე უპასუხა ბელარუსის უშიშროების საბჭოს სახელმწიფო მდივანმა, ალექსანდრე ვოლფოვიჩმა გავრცელებულ ინფორმაციას იმის შესახებ, რომ რუსეთში ნაწილობრივი მობილიზაცია ბელარუსზეც ვრცელდება. 

როგორც ვოლფოვიჩმა რუსეთის უშიშროების საბჭოს მდივანთან შეხვედრის შემდეგ განაცხადა, ბელარუსი ვერ ხედავს უკრაინის მხრიდან კონფლიქტის მოსაგვარებლად გადადგმულ პოლიტიკურ ნაბიჯებს. 

“მობილიზაცია ჩვენზე არ არის დამოკიდებული, ბელარუსი ხალხი და ქვეყანა უკვე მობილიზებულია. და, რა თქმა უნდა, ღმერთმა ქნას, ისინი მზად არიან უპასუხონ ამისთვის განკუთვნილი ძალებითა და საშუალებებით: ძალაუფლების ბლოკით, სამშვიდობო პერსონალით. რომლებიც დღეს ასრულებენ დავალებებს თავიანთი ქვეყნისა და კონსტიტუციური წესრიგის დაცვაზე თავის ტერიტორიაზე“, - განაცხადა ალექსანდრე ვოლფოვიჩმა. 

შეგახსენებთ, რომ რუსეთის პრეზიდენტმა, ვლადიმერ პუტინმა ქვეყანაში ნაწილობრივი მობილიზაცია გამოაცხადა.

მისივე თქმით, რუსეთის ფედერაციაში ნაწილობრივი მობილიზაციის ფარგლებში გაწვევას მხოლოდ რეზერვი და სამხედრო გამოცდილების მქონე მოქალაქეები დაექვემდებარებიან. ნაწილებში გაგზავნამდე, სამხედრო  გამოძახებულები, სპეციალური სამხედრო ოპერაციის გამოცდილების გათვალისწინებით, გაივლიან დამატებით სამხედრო მომზადებას.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!