მეხუთე დღეა, რაც ირანში საპროტესტო აქციები გრძელდება. პოლიციელების წინააღმდეგ გამართულ დემონსტრაციებს სულ მცირე შვიდი ადამიანი ემსხვერპლა.

აქტივისტებმა განაცხადეს, რომ ურმიაში, პირანშაჰრსა და კერმანშაჰში უსაფრთხოების ძალების მიერ დახვრეტილ სამ მომიტინგეს შორის ერთი ქალი იყო.

ხელისუფლებამ დემონსტრანტები დაადანაშაულა კერმანშაჰში ორი მშვიდობიანი მოქალაქის და ასევე შირაზში პოლიციის თანაშემწის მკვლელობაში.

გარდა ამისა, დღეს, ქალებმა თავიანთი ჰიჯაბები მოიხსნეს და დემონსტრაციულად დაწვეს.

ცნობისთვის, საქმე ეხება 22 წლის მაჰსა ამინს ირანის ქურთისტანის პროვინციიდან, რომელიც დაკავების შემდეგ, კომაში ჩავარდა და გარდაიცვალა. აღნიშნულმა ფაქტმა,  გამოიწვია დემონსტრაციები მრავალ რაიონში, მათ შორის დედაქალაქში.ბოფიციალურმა საინფორმაციო სააგენტო IRNA-მ განაცხადა, რომ იყო "შეზღუდული" საპროტესტო აქციები შვიდი პროვინციის რიგ ქალაქში, რომლებიც პოლიციამ დაარბია

პოლიციის მტკიცებით, ახალგაზრდა ქალი ავად გახდა, როდესაც ის სხვა ქალებთან ერთად ელოდებოდა პოლიციას. მაგრამ ამინის მამამ არაერთხელ თქვა, რომ მის ქალიშვილს ჯანმრთელობის პრობლემები არ ჰქონდა და დასძინა, რომ მას ფეხის სისხლჩაქცევები ჰქონდა. 

თეთრი სახლის სპიკერის თქმით, „მაჰსა ამინისთვის სასიკვდილო ჭრილობები მიყენებული იქნა იმის გამო, რომ ის ატარებდა "არაშესაფერისს" ჰიჯაბს, რაც არის ადამიანის უფლებების შემზარავი და საშინელი შეურაცხყოფა“.

საპროტესტო გამოსვლები ყველაზე ინტენსიური იყო ქურთისტანის რეგიონში, სადაც ხელისუფლებამ ჩაახშო 8-დან 10 მილიონამდე ქურთი უმცირესობის საპროტესტო აქციები. ჰენგავმა განაცხადა, რომ ორშაბათს 75 ადამიანი დაშავდა.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!