პუტინს რუსი ჯარისკაცების უკრაინის სისხლში დახრჩობა სურს,- ასე გამოეხმაურა უკრაინის პრეზიდენტი, ვოლოდიმირ ზელენსკი პუტინის განცხადებას ნაწილობრივ მობილიზაციაზე.

ზელენსკის თქმით, მობილიზაცია აჩვენებს, რომ რუსეთის ფედერაციას პრობლემები აქვს ოფიცრებთან და სხვა სამხედრო მოსამსახურეებთან.

„ჩვენ უკვე ვიცით, რომ მოახდინეს იუნკერების მობილიზება, ბიჭების, რომლებმაც ბრძოლა არ იცოდნენ. ეს იუნკრები დაიღუპნენ. მათ სწავლაც ვერ დაამთავრეს. ყველა ეს ხალხი ვერ იბრძვის. ჩვენთან მოდიან და კვდებიან",- განაცხადა ზელენსკიმ.

მისივე თქმით, პუტინს ფრონტზე გამარჯვების მისაღწევად მრავალმილიონიანი არმია სჭირდება, რადგან რუსული ჯარები ზარალდებიან და გარბიან ბრძოლის ველიდან.

„მას სურს უკრაინის სისხლში დახრჩობა, მაგრამ ასევე მისი ჯარისკაცების სისხლში დახრჩობა",- დასძინა პრეზიდენტმა.

შეგახსენებთ, რომ დღეს რუსეთის პრეზიდენტმა, ვლადიმერ პუტინმა ქვეყანაში ნაწილობრივი მობილიზაცია გამოაცხადა.

მისი თქმით, რუსეთის ფედერაციაში ნაწილობრივი მობილიზაციის ფარგლებში გაწვევას მხოლოდ რეზერვი და სამხედრო გამოცდილების მქონე მოქალაქეები დაექვემდებარებიან. ნაწილებში გაგზავნამდე, სამხედრო სამსახურში გამოძახებულები, სპეციალური სამხედრო ოპერაციის გამოცდილების გათვალისწინებით, გაივლიან დამატებით სამხედრო მომზადებას.

რუსეთის თავდაცვის მინისტრის, სერგეი შოიგუს განცხადებით, ისინი 300 000 რეზერვისტის მობილიზებას გეგმავენ.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!