ჩინეთის წარმომადგენლები ვესტმინსტერის დარბაზში არ შეუშვეს, სადაც დიდი ბრიტანეთის დედოფალ ელიზაბეთ II-ის ცხედრით კუბოა განთავსებული. ჩინეთის სახალხო რესპუბლიკის მოთხოვნა ბრიტანეთის პარლამენტის თემთა პალატის თავმჯდომარემ ლინდსი ჰოილმა უარყო.

ამის შესახებ ევროპული გამოცემა Politico წყაროზე დაყრდნობით იუწყება. ვესტმინსტერის სასახლე ამჟამად ღიაა მთელი დღეების განმავლობაში დედოფლისთვის დამშვიდობების მსურველებისთვის.

პალატის სპიკერმა ლინდსი ჰოილმა უთხრა კოლეგებს, რომ მან უარყო თხოვნა ჩინელი ჩინოვნიკების ვესტმინსტერის დარბაზში შესვლის თაობაზე, სადაც გარდაცვლილი დედოფალი დარჩება ორშაბათს დაკრძალვამდე, ნათქვამია მოხსენებაში. არსებული ინფორმაციით უარის მიზეზი,ისაა რომ, რომ ჩინეთმა სანქციები დაუწესა უიგურების გენოციდის აღიარებისას რიგ ბრიტანელ დეპუტატს.

8 სექტემბერს ბუკინგემის სასახლემ დედოფალ ელიზაბეტ II-ის გარდაცვალება გამოაცხადა. იგი 97 წლის ასაკში გარდაიცვალა. ტახტი მის შვილს ჩარლზს გადაეცა, რომელმაც მემკვიდრეობის ნიშნად მიიღო სახელი ჩარლზ III. 10 სექტემბერს მემკვიდრეობის საბჭომ ოფიციალურად გამოაცხადა ჩარლზ III დიდი ბრიტანეთის ახალ მეფედ.

მანამდე ცნობილი გახდა, რომ ბრიტანეთის მთავრობამ დედოფალ ელიზაბეტ II-ის დაკრძალვაზე რუსეთის, ბელორუსის და მიანმარის დელეგაცია არ მიიწვია. მედიის ცნობით, ცერემონიას, რომელიც 19 სექტემბერს არის დაგეგმილი, მსოფლიოს 500-მდე ოფიციალური პირი დაესწრება.

ავტორი: ექსპრესნიუსი,

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს