აშშ-ის და ევროკავშირის დიპლომატებმა განაცხადეს რომ რუსეთი პასუხს აგებს ჩადენილ დანაშაულებზე  უკრაინაში, იზიუმში, 

უკრაინაში აშშ-ის ელჩმა, ბრიჯიტ ბრინკმა ტვიტერით დაწერა, რომ მასობრივი სამარხის აღმოჩენამ "უნდა გააძლიეროს ჩვენი კოლექტიური მისწრაფება რუსეთისთვის პასუხისმგებლობის დაკისრებაზე, მისი სისასტიკის გამო". აშშ-ის სახელმწიფო მდივნის, ენტონი ბლინკენის განცხადებით, რუსეთი "შემაძრწუნებლად" იქცევა და სავარაუდოდ ომის დანაშაულებზეა პასუხისმგებელი

ევროკავშირის უმაღლესმა წარმომადგენელმა ხოსეპ ბორელმა განაცხადა, რომ რუსეთი პასუხისმგებელია იზიუმში მომხდარ მკვლელობებზე. აშშ-ის ეროვნული უშიშროების საბჭოს სპიკერმა ჯონ კირბიმ პირობა დადო, რომ ვაშინგტონი დაეხმარება უკრაინაში რუსეთის სამხედრო დანაშაულის მტკიცებულებების შეგროვებაში:

„მიღებული ინფორმაციით, ეს არის სულ 440-ზე მეტი დაკრძალვა, მათ შორის მშვიდობიანი მოსახლეობა. საშინელებაა, ამაზრზენი. სამწუხაროდ, ეს სისაძაგლე და სისასტიკე ემთხვევა რუსეთის შეიარაღებული ძალების ომს უკრაინისა და უკრაინელი ხალხის წინააღმდეგ“.

საფლავების აღმოჩენის შესახებ ცნობების შემდეგ, გაეროს ადამიანის უფლებათა უმაღლესი კომისრის ოფისი აპირებს დელეგაციის გაგზავნას იზიუმში. საერთაშორისო სპეციალისტებმა უნდა გადაამოწმონ ინფორმაცია ადგილობრივი მოსახლეობის წამებისა და ანგარიშსწორების შესახებ.

უკრაინის თავდაცვის სამინისტროს განცხადებით, ნაპოვნია სულ მცირე 440 გვამი, ხარკოვის გუბერნატორი, ოლეჰ სინეჰუბოვი ამბობს, რომ ნაპოვნი გვამების 99 პროცენტს ძალადობრივი სიკვდილის ნიშნები ეტყობა.

ფოტო - Evgeniy Maloletka / AP / Scanpix / LETA

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა