ირანის ხელისუფლებამ ჰიჯაბის ტარების წესების დარღვევაში ბრალდებული ქალის გარდაცვალების გარემოებების გამოძიების დაწყების შესახებ განაცხადა. 22 წლის მაჰსა ამინი თეირანში დააკავეს. ვიცე-პოლიციას არ მოეწონა, რომ მისი თმა კარგად არ იყო დაფარული რელიგიური თავსაბურავით.

ოფიციალური მონაცემებით, სამდღიანი დაკავების დროს ქალს ინფარქტი დაემართა. ახლობლები ამტკიცებენ, რომ მას ჯანმრთელობის სერიოზული პრობლემები არ ჰქონია. აქტივისტები და პოლიტიკოსები იხსენებენ არაერთ საჩივარს ვიცე-პოლიციის მიერ დაკავებულების მიმართ არაადამიანური მოპყრობის შესახებ.

სოციალური მედიით ვრცელდება ვიდეოჩანაწერები, რომლებიც ასახავს თეირანში ამინის სიკვდილით გამოწვეულ საპროტესტო აქციებს.

ირანის საკითხებში აშშ-ის წარმომადგენლის, რობერტ მაილის თქმით, "არასწორი" ჰიჯაბის გამო ამინის სიკვდილი თავზარდამცემია და დამნაშავეებს პასუხისმგებლობა უნდა დაეკისროს. უფლებადამცველი ორგანიზაცია, ამნესტი ინტერნეიშენალი გამოდის გამოძიების ჩატარების მოწოდებით "საეჭვო" სიკვდილის გარშემო.

ამინი დასავლეთ ირანიდან თეირანში ნათესავებთან შესახვედრად ჩავიდა, როცა ის 13 სექტემბერს დააპატიმრეს. დაკავებიდან რამდენიმე საათში მის ოჯახს შეატყობინეს, რომ ამინი საავადმყოფოში იყო გადაყვანილი. ამინის დედამ რადიო თავისუფლებას უთხრა, რომ ოჯახმა საჩივარი შეიტანა თეირანის პოლიციაში და რომ მისი შვილი დაკავებამდე სრულიად ჯანმრთელი იყო.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა