გერმანიის კანცლერი ოლაფ შოლცმა მოუწოდა რუსეთის პრეზიდენტს ვლადიმერ პუტინს, პატივი სცეს „უკრაინის ტერიტორიულ მთლიანობასა და სუვერენიტეტს“ და სრულად გაიყვანოს თავისი ჯარები უკრაინიდან.

როგორც გამოცემა Deutsche Welle წერს, შოლცისა და პუტინის სატელეფონო საუბარი 90 წუთი გაგრძელდა, რა დროსაც შოლცმა „მოუწოდა“ პუტინს, ეძიოს „დიპლომატიური გადაწყვეტა რაც შეიძლება სწრაფად, ცეცხლის შეწყვეტის, რუსული ძალების სრული გაყვანისა და რუსეთის ტერიტორიული მთლიანობისა და სუვერენიტეტის პატივისცემაზე დაფუძნებული“. 

გერმანიის ლიდერმა ხაზგასმით აღნიშნა, რომ უკრაინის ტერიტორიის ანექსიისთვის ახალი ზომების მიღების შემთხვევაში, ეს არ დარჩება „უპასუხოდ“ და რომ არავითარ შემთხვევაში არ იქნება „აღიარებული“ ახალი ხაზები.

გარდა ამისა, მან სთხოვა პუტინს, მოეპყრო დატყვევებულ მებრძოლებს „საერთაშორისო ჰუმანიტარული სამართლის შესაბამისად“, ნათქვამია საგარეო საქმეთა სამინისტროს განცხადებაში.

ლიდერებმა ასევე განიხილეს ზაპოროჟიეს ატომური ელექტროსადგურის მდგომარეობა, მანამდე კი შოლცმა სთხოვა პუტინს, თავიდან აეცილებინა „ნებისმიერი ესკალაცია“ ობიექტის „უსაფრთხოების უზრუნველსაყოფად“. 

გერმანიის უწყების ინფორმაციით, ორივე ლიდერი შეთანხმდა, რომ კონტაქტი გააგრძელონ. 

ავტორი: ექსპრესნიუსი,

სოციალური ქსელები

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას