ნატო-ს გენერალურმა მდივანმა იენს სტოლტენბერგმა განაცხადა, რომ უკრაინაში ომი კრიტიკულ ფაზაში შედის და ზამთარი სამხედრო ალიანსის წევრებისთვის გამოცდა იქნება.

როგორც სტოლტენბერგმა Financial Times- თან საუბარში განმარტა არსებობს ელექტროენერგიის გათიშვის, შეფერხებების და შესაძლოა სამოქალაქო არეულობის საფრთხე.

"უკრაინის ომი კრიტიკულ ფაზაში შედის. ზამთარი მოდის და რთული იქნება. უკრაინელი ხალხისთვის და შეიარაღებული ძალებისთვის, რომლებიც იბრძვიან მათი თავისუფლებისთვის, და ჩვენთვის, ვინც მათ მხარს ვუჭერთ, რთულია. ეს ჩვენი ერთობისა და სოლიდარობისთვოს  სერიოზულად გამოცდა იქნება, რადგან ოჯახები და ბიზნესი  ენერგეტიკის ფასების მკვეთრ ზრდას და რუსეთის სასტიკი შემოჭრით გამოწვეული ცხოვრების ხარჯებს გრძნობენ“, - წერს სტოლტენბერგი.

მან დასძინა, რომ "უკრაინის მომავლისა და ჩვენი მომავლისთვის, ჩვენ უნდა მოვემზადოთ ზამთრის ომისთვის და დავრჩეთ ჩვენს გზაზე - წინააღმდეგობა გავუწიოთ ტირანიას".

"თუ რუსეთი შეწყვეტს ბრძოლას, იქნება მშვიდობა. თუ უკრაინა შეწყვეტს ბრძოლას, ის შეწყვეტს არსებობას, როგორც დამოუკიდებელი სახელმწიფო. ჩვენ ვალდებულნი ვართ მხარი დავუჭიროთ ამ დამოუკიდებელ დემოკრატიას ევროპის ცენტრში", - განაცხადა ნატოს გენერალურმა მდივანმა.

ავტორი: ექსპრესნიუსი,

სოციალური ქსელები

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია