ვუსურვებთ ლუკაშენკოს იგივე მშვიდობიან ცას და გაერთიანებას მის კარგ მეგობრებთან ჰუსეინთან და კადაფთან,- ასე უპასუხა უკრაინის თავდაცვის სამინისტრომ პუტინის თანააგრესორის, ბელარუსის თვითგამოცხადებული პრეზიდენტის, ალექსანდრე ლუკაშენკოს მილოცვას.

სამინისტროს თქმით, "საჩუქრად" ბელარუსიიიდან უკრაინაში ისევ გაისროლეს რაკეტები.

„ჩვენს დამოუკიდებლობის დღეს, დიქტატორმა ლუკაშენკომ უკრაინას მიულოცა და მშვიდობიანი ცა უსურვა... "საჩუქრად" ბელარუსიიდან უკრაინაში ისევ გაისროლეს რაკეტები.

ჩვენ ვუსურვებთ ლუკაშენკოს იგივე მშვიდობიან ცას... და გაერთიანებას მის კარგ მეგობრებთან ჰუსეინთან და კადაფთან”,- აღნიშნულია განცხადებაში.

შეგახსნებთ, რომ 24 აგვისტოს უკრანამ, დამოუკიდებლობის გამოცხადების 31 წლისთავი აღნიშნა, მომლოცველთა შორის იყო თანააგრესორი ლუკაშენკო.

ლუკაშენკოს თქმით, ბელარუსი გააგრძელებს ჰარმონიის შენარჩუნებას, მეგობრული და ურთიერთპატივისცემის მქონე კონტაქტების განვითარებას ყველა დონეზე.

რუსეთის ფედერაციის უკრაინაში სრულმასშტაბიანი შეჭრის დღიდან, სულ მცირე 631 რაკეტა იქნა გაშვებული ბელარუსიდან  უკრაინის ტერიტორიაზე. ბოლოს მონაცემები მაისში განახლდა.

უკრაინა 1 აპრილს დაექვემდებარა უდიდეს დაბომბვას ბელარუსიის მხრიდან.  იმ დღეს რაკეტებს ფაქტიურად ყოველ 10 წუთში ისროდნენ.

ბრიტანული დაზვერვის მონაცემებით, პუტინმა ბელარუსისი თვითგამოცხადებულ პრეზიდენტზე ზეწოლა გააძლიერა. ლუკაშენკო აგრძელებს მოსკოვის ხაზის დაცვას უკრაინის წინააღმდეგ ომთან დაკავშირებით. ამასთან მან განაცხადა, რომ კიევმა უნდა მიიღოს რუსეთის ფედერაციის მოთხოვნები ომის დასრულების შესახებ.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება