შეერთებული შტატები უკრაინას სამხედრო დახმარების ყველაზე დიდ პაკეტს- 3 მილიარდ დოლარს გამოუყოფს,- აღნშნულის შესახებ აშშ-ის პრეზიდენტმა, ჯო ბაიდენმა განაცხადა.

ბაიდენის თქმით, უკრაინა ამაყად რჩება და დარჩება სუვერენულ და დამოუკიდებელ სახელმწიფოდ.

„დღევანდელი დღე არ არის მხოლოდ წარსულის ზეიმი, არამედ მტკიცე დადასტურებაა იმისა, რომ უკრაინა ამაყად რჩება და დარჩება სუვერენულ და დამოუკიდებელ სახელმწიფოდ. დღესასწაულთან დაკავშირებით თეთრმა სახლმა გამოაცხადა უმსხვილესი სამხედრო დახმარების პაკეტი სრულმასშტაბიანი შემოჭრის დაწყების შემდეგ. შეერთებული შტატები უკრაინის უსაფრთხოების დახმარების ინიციატივით დაახლოებით 2,98 მილიარდ დოლარს გამოუყოფს“ - განაცხადა ბაიდენმა.

მისივე თქმით, ეს შესაძლებელს გახდის საჰაერო თავდაცვის სისტემების, საარტილერიო სისტემების და მათთვის საბრძოლო მასალის, უპილოტო საჰაერო სისტემების და რადარების მოპოვებას.

შეგახსენებთ, რომ დღეს, 24 აგვისტოს, უკრაინა დამოუკიდებლობის გამოცხადების 31 წლისთავს აღნიშნავს. ეს მნიშვნელოვანი დღესასწაულია, რომელიც ტრადიციულად ზაფხულის ბოლოს აღინიშნება. წელს უკრაინის დამოუკიდებლობის დღეს განსაკუთრებული მნიშვნელობა აქვს ყველა უკრაინელისთვის. 

ოკუპანტების მიერ სარაკეტო თავდასხმების საფრთხის გამო, 2022 წლის დამოუკიდებლობის დღე უკრაინაში რიგ რეგიონებში დღესასწაულების გარეშე და დამატებითი შეზღუდვებით გაიმართება.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება