მტერს ეგონა, რომ სამ დღეში შეეძლო ჩვენი დამოუკიდებლობის განადგურება. მაგრამ ზუსტად 6 თვეა ვდგავართ და ვიბრძვით. არ შეგვეშინდა, არ გავიქეცით, არ დავიჩოქეთ,- ამის შესახებ რადას დეპუტატმა და "ხალხის მსახურის" ფრაქციის ლიდერმა, დავით არახამიამ უკრაინას დამოუკიდებლობის დღისადმი მიძღვნილ მიმართვაში განაცხადა.

მისი თქმით,  მტერმა და მთელმა მსოფლიომ დაინახა, რომ არ არსებობს ისეთი ფასი, რომელსაც დამოუკიდებლობისთვის არ გადაიხდიდნენ, ხოლო საჭიროების შემთხვევაში, შიშველი ხელებითაც იბრძოლებდნენ, მაგრამ უკრაინას არასდროს არავის დაუთმობდნენ.

„მტერს ეგონა, რომ სამ დღეში შეეძლო ჩვენი დამოუკიდებლობის განადგურება. მაგრამ ზუსტად 6 თვეა ვდგავართ და ვიბრძვით.

არ შეგვეშინდა, არ გავიქეცით, არ დავიჩოქეთ, მაგრამ სამხედრო კომისარიატებთან დავდექით, უყოყმანოდ მივეცით სახელმწიფოს რაც სჭირდებოდა თავდაცვისთვის და დავიწყეთ მუშაობა. ყველა თავის ადგილზეა.

ჩვენი მუშაობის შედეგია აღლუმი ხრეშატნიკზე. განადგურებული რუსული ტექნიკის აღლუმი, რომლითაც ისინი ჩვენს მოსაკლავად მოვიდნენ. და განადგურებული ტანკებისა და იარაღის ეს სვეტი ჩვენი დამოუკიდებლობის სიმბოლოა.

მტერმა და მთელმა მსოფლიომ დაინახა, რომ არ არსებობს ისეთი ფასი, რომელსაც ჩვენ არ გადავიხდით ჩვენი დამოუკიდებლობისთვის. რომ ჩვენ მზად არ ვართ გავცვალოთ ის მშვიდობის ან პირადი კომფორტის ილუზიაში. საჭიროების შემთხვევაში, შიშველი ხელებითაც ვიბრძოლებთ. მაგრამ ჩვენ უკრაინას არასდროს არავის დავუთმობთ.

ამიტომ, დღეს ჩვენ არ ვართ მხოლოდ დამოუკიდებელი ქვეყანა. მთელი თავისუფალი სამყარო აღფრთოვანებულია ჩვენი ერით. ჩვენი ლურჯ-ყვითელი დროშა გამბედაობისა და შეუპოვრობის სიმბოლოდ იქცა.

ჩვენ აუცილებლად გავიმარჯვებთ, დავიცავთ ჩვენს დამოუკიდებლობას და გადავცემთ მას უკრაინელების მომავალ თაობებს. და ეს იქნება ქვეყანა, რომლის შესახებაც მთელი მსოფლიო გაიგებს, რომელიც აიძულებს ხალხს ამაზე არაერთხელ ისაუბრონ, რომელშიც საუკეთესო, კეთილი და ამავდროულად, ყველაზე მამაცი ხალხი იცხოვრებს.

გილოცავთ დამოუკიდებლობის დღეს“,- წერს არახამია.

შეგახსენებთ, რომ დღეს, 24 აგვისტოს, უკრაინა დამოუკიდებლობის გამოცხადების 31 წლისთავს აღნიშნავს. ეს მნიშვნელოვანი დღესასწაულია, რომელიც ტრადიციულად ზაფხულის ბოლოს აღინიშნება. წელს უკრაინის დამოუკიდებლობის დღეს განსაკუთრებული მნიშვნელობა აქვს ყველა უკრაინელისთვის. 

ოკუპანტების მიერ სარაკეტო თავდასხმების საფრთხის გამო, 2022 წლის დამოუკიდებლობის დღე უკრაინაში რიგ რეგიონებში დღესასწაულების გარეშე და დამატებითი შეზღუდვებით გაიმართება.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება