2022-08-21 14:14:13, 1245 ნახვა

---

ზახაროვა - თუ დუგინას მკვლელობაში უკრაინული კვალის ვერსია დადასტურდება, შესაძლებელი იქნება სახელმწიფო ტერორიზმის პოლიტიკაზე საუბარი

უკრაინული კვალის ვერსია თუ დადასტურდება, მაშინ შეიძლება, ვისაუბროთ კიევის მხრიდან სახელმწიფო ტერორიზმის პოლიტიკაზე- ასე გამოეხმაურა რუსეთის საგარეო საქმეთა სამინისტროს ოფიციალური წარმომადგენელი, მარია ზახაროვა დარია დუგინას მკვლელობის საქმეს.

ზახაროვას თქმით, ასეთი ვარაუდის ლეგიტიმურობის დასადასტურებლად საკმარისი ფაქტების მოგროვება შეძლო.

„უკრაინული კვალი თუ დადასტურდა – და ეს ვერსია გააჟღერა დონეცკის სახალხო რესპუბლიკის ხელმძღვანელმა, დენის პუშლინმა, რომელიც უნდა გადამოწმდეს კომპეტენტური ორგანოების მიერ, მაშინ უნდა ვისაუბროთ კიევის რეჟიმის მიერ განხორციელებულ სახელმწიფო ტერორიზმის პოლიტიკაზე“,- წერს ზახაროვა.

​შეგახსენებთ, რომ გუშინ ღამით, რუსეთის პრეზიდენტ ვლადიმერ პუტინის ახლო მოკავშირის, ალექსანდრ დუგინის შვილი მოსკოვთან ახლოს, მანქანაში ააფეთქეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი