2022-08-21 13:51:20, 1291 ნახვა
მსოფლიო
რუსეთის საგამოძიებო კომიტეტი - დარია დუგინას სიკვდილი წინასწარ იყო შეკვეთილი და დაგეგმილი
დანაშაული, რომლის შედეგადაც დარია დუგინა დაიღუპა, წინასწარ იყო შეკვეთილი და დაგეგმილი,- ამის შესახებ ინფორმაციას რუსეთის საგამოძიებო კომიტეტი ავრცელებს.
კომიტეტის ცნობით, ასაფეთქებელი მოწყობილობა მძღოლის მხარეს მანქანის ძირზე იყო მიმაგრებული.
„ამ დროისთვის უკვე დადგინდა, რომ ასაფეთქებელი მოწყობილობა მძღოლის მხარეს მანქანის ძირზე იყო მიმაგრებული. დარია დუგინა, რომელიც საჭესთან იმყოფებოდა, ადგილზე გარდაიცვალა“,- აცხადებენ უწყებაში.
შეგახსენებთ, რომ გუშინ ღამით, რუსეთის პრეზიდენტ ვლადიმერ პუტინის ახლო მოკავშირის, ალექსანდრ დუგინის შვილი მოსკოვთან ახლოს, მანქანაში ააფეთქეს.
ავტორი: ექსპრესნიუსი,
epn.ge (@expressnews.ge)
