უკრაინის პრეზიდენტის აპარატის უფროსის მრჩეველმა ალექსეი არესტოვიჩმა განმარტა, თუ რა ზიანი შეიძლება  მიაყენოს თურქეთს რუსეთის ფედერაციასთან თანამშრომლობამ .

საკუთარი აზრი მან რუს უფლებადამცველ მარკ ფეიგინსთან საუბარში გამოთქვა.მისი თქმით, დასავლეთი ახლა მწვავედ უკმაყოფილოა თურქეთის პოლიტიკით.

„მთავარი ბრალდება არის ის, რომ თურქეთი ანადგურებს ნატო-ს ერთიანობას რუსეთის ფედერაციასთან თავისი განსაკუთრებული ურთიერთობით, რომელიც ალიანსის სტრატეგიულ მოწინააღმდეგედ არის დასახელებული, ხოლო ნატო-ს წევრი ანადგურებს კონსენსუსს სახელმწიფოზე, რომელიც სტრატეგიული მოწინააღმდეგეა. ეს არის უკიდურესად არალოგიკური საქციელი“, - განაცხადა მან.

პრეზიდენტის ადმინისტრაციის უფროსის მრჩეველი დარწმუნებულია, რომ ახლა თურქეთის ხელისუფლება ნატო-სთან მიმართებაში „დანის პირზე დადის“ და ბევრი ქვეყანა უკვე საუბრობს მოქმედების აუცილებლობაზე.

"აქ საკითხავია, შეუძლია თუ არა ნატო-ს დატოვოს ეს უპასუხოდ. შესაძლოა, რაღაც კულისებში მოხდეს. მაგრამ მათ არ შეუძლიათ ამის უპასუხოდ დატოვება, თუ რაიმე სახით აფასებენ ნატო-ს ერთიანობას და მის ავტორიტეტს", - ხაზგასმით აღნიშნა არესტოვიჩმა.

შეგახსენებთ, რომ 5 აგვისტოს თურქეთისა და რუსეთის პრეზიდენტები სოჭში შეხვდნენ. თურქეთის პრეზიდენტმა რეჯეფ თაიფ ერდოღანმა განაცხადა, რომ თურქეთი  რუსულ გაზს ნაწილობრივ გადაიხდის რუბლებში .

მან ასევე   მიიწვია  პუტინი უკრაინის პრეზიდენტ ვოლოდიმირ ზელენსკისთან შესახვედრად. ერდოღანის პირველმა თანაშემწემ  კი თქვა , რომ მსოფლიო „ვერ დაასრულებს ომს უკრაინაში რუსეთის უგულებელყოფით“.

ავტორი: ექსპრესნიუსი,

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს