უკრაინამ ევროკავშირისგან დახმარების პირველი 500 მილიონი ევროს ოდენობის ტრანში მიიღო,- ამის შესახებ უკრაინის პრემიერ-მინისტრმა, დენის შმიჰალმა განაცხადა.

მისი თქმით, მომდევნო ტრანშის მიღებას ხვალ ელოდებიან.

„ევროკავშირმა უკრაინას გამოუგზავნა 1 მილიარდი ევრო განსაკუთრებული მაკროფინანსური დახმარება. პირველი ტრანში 500 მილიონი ევრო უკვე ჩაირიცხა ანგარიშზე. ჩვენ ველოდებით, რომ მეორე ტრანში ხვალ ჩაირიცხება", - წერს შმიგალი.

მთავრობის მეთაურმა ასევე  აღნიშნა, რომ 1 მილიარდი ევრო უკრაინის მხარდაჭერის დიდი პაკეტის ნაწილია ომის ფინანსური შედეგების დასაძლევად.

შეგახსენებთ, რომ 12 ივლისს, ევროკავშირის საბჭომ დაამტკიცა ევროკომისიის წინადადება უკრაინას ახალი მაკროფინანსური დახმარების პირველი ტრანშის სახით 1 მილიარდი ევროს გამოყოფის შესახებ.

მანამდე Bloomberg-მა წყაროებზე დაყრდნობით თქვა, რომ ევროკავშირის ქვეყნები ვერ შეთანხმდნენ უკრაინისთვის 8,8 მილიარდი ევროს პაკეტზე, ამიტომ ბრიუსელმა შესთავაზა 1 მილიარდი ევროს გამოყოფა სწრაფი ფინანსური დახმარების სახით.

ამასთან, უკრაინა ასევე აპირებს დადოს ხელშეკრულება საერთაშორისო სავალუტო ფონდთან 15-20 მილიარდი დოლარის ოდენობის პროგრამაზე წლის ბოლომდე.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება