ამერიკის სენატმა ერთხმად დაამტკიცა  რეზოლუცია , რომელიც მოუწოდებს სახელმწიფო მდივანს ენტონი ბლინკენს,  რუსეთი ტერორიზმის სახელმწიფო სპონსორად გამოაცხადოს ჩეჩნეთში, საქართველოში, სირიასა და უკრაინაში განხორციელებული ქმედებებისთვის, რამაც გამოიწვია „უთვალავი უდანაშაულო მამაკაცის, ქალის სიკვდილი.“

პალატის სპიკერი ნენსი პელოსი ღიად უჭერს მხარს ამ ნაბიჯს. თუმცა, ტერორიზმის სპონსორი სახელმწიფოს გამოცხადების უფლება სახელმწიფო დეპარტამენტს აქვს.

 სენატის მიერ მიღებული რეზოლუცია აძლიერებს ზეწოლას ბაიდენის ადმინისტრაციაზე, რათა რუსეთი დაემატოს ტერორიზმის მხარდამჭერ სახელმწიფოთა სიას, რომელშიც შედის კუბა, ჩრდილოეთ კორეა, ირანი და სირია. 

„რუსეთის ფედერაციის შეიარაღებულმა ძალებმა სიკვდილით დასაჯეს უდანაშაულო მშვიდობიანი მოსახლეობა და ცდილობდნენ დაფარონ მათი სისასტიკე უკრაინაში მასობრივი საფლავებით“, - ნათქვამია სენატის კანონპროექტში.

უკრაინის პრეზიდენტი ვოლოდიმირ ზელენსკი  მთელი ომის განმავლობაში ამტკიცებს, რომ რუსეთის ძალებმა ჩაიდინეს სასტიკი ქმედებები მშვიდობიანი მოსახლეობის მიმართ, მათ შორის გაუპატიურება, მკვლელობა და წამება,  რაც ტერორიზმს უტოლდება.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება