რუსმა ოკუპანტებმა  სარაკეტო იერიში მიიტანეს ვიშგოროდის რეგიონის ერთ-ერთ თემზე. ამის შესახებ კიევის რეგიონალური სამხედრო ადმინისტრაციის ხელმძღვანელმა ოლექსი კულებამ განაცხადა.

მისი თქმით, ცეცხლი ინფრასტრუქტურულ ობიექტს გაუხსნეს.

"დაშავებულების შესახებ ინფორმაცია ზუსტდება. ადგილზე უკვე მუშაობს სასწრაფო დახმარების ყველა სამსახური. კიდევ ერთხელ მოგიწოდებთ, უყურადღებოდ არ დატოვოთ განგაში - ჩადით თავშესაფარში. ომი გრძელდება, მტერი აგრძელებს მზაკვრულად სარაკეტო დარტყმებს. “ - წერს კულება.

რაც შეეხება ნიკოლაევისა და ხარკოვს - ნიკოლაევის მერმა ალექსანდრე სენკევიჩმა დილის 4 საათზე ძლიერი აფეთქებების შესახებ ინფორმაცია გაავრცელა, ხოლო ხარკოვის მერმა აღნიშნა, რომ ღამეში ორი სროლის ხმა იყო. 

აღსანიშნავია , რომ დღეს პირველად აღინიშნება უკრაინის სახელმწიფოებრიობის დღე .

ცნობისთვის, 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსი ოკუპანტები უკრაინას სხვადასხვა მიმართულებიდან უტევენ.

ავტორი: ექსპრესნიუსი,

სოციალური ქსელები

თამარ ლორთქიფანიძეს საპროცესო შეთანხმება გაუფორმდა

წარმატებული მოლაპარაკებები ბიზნესში - გაიარე სრულად დაფინანსებული ბიზნესკურსი

ზელენსკის თქმით, უკრაინამ მოსკოვის რეგიონში მდებარე დუბნას კოსმოსური კომუნიკაციების ცენტრს მეორედ დაარტყეს

კახა კალაძე; პეტერ ფიშერი არის მაგალითი იმისა, თუ როგორი არ უნდა იყოს ელჩი