ევროკავშირის საბჭომ მიიღო გადაწყვეტილება, ექვსი თვით გაახანგრძლივოს რუსეთის წინააღმდეგ დაწესებული სანქციები. ამის შესახებ ინფორმაცია ევროსაბჭოს ვებგვერდზეა განთავსებული. 

აღნიშნულია, რომ ეს სანქციები ამჟამად მოიცავს სექტორული ღონისძიებების ფართო სპექტრს, მათ შორის შეზღუდვებს ფინანსებზე, ენერგეტიკაზე, ტექნოლოგიებზე და ორმაგი დანიშნულების საქონელზე, მრეწველობაზე, ტრანსპორტზე და ფუფუნების საქონელზე.

„ევროკავშირის საბჭომ დღეს მიიღო გადაწყვეტილება ექვსი თვით, 2023 წლის 31 იანვრამდე გაახანგრძლივოს შემაკავებელი ზომები რუსეთის ფედერაციის ეკონომიკის გარკვეული სექტორების მიმართ“, - ნათქვამია პრესრელიზში.

შეგახსენებთ, რომ 20 ივლისს ევროკავშირის ელჩებმა რუსეთის წინააღმდეგ სანქციების მეშვიდე პაკეტი დაამტკიცეს, რომელიც მოიცავს რუსეთის ფედერაციიდან ოქროს იმპორტის აკრძალვას და სბერბანკის აქტივების გაყინვას.

ასევე ითვალისწინებს სანქციების სიაში 50-ზე მეტი ფიზიკური და იურიდიული პირის შეყვანას.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება