რუსულმა გაზსადენმა „Nord Stream 1“გერმანიისთვის გაზის მიწოდება განაახლა. შეფერხების მიზეზი „ყოველწლიური გეგმური ტექნიკური მომსახურება“ იყო.

 Reuters-ის მიერ მოპოვებული მონაცემებით, რუსეთიდან გერმანიაში გაზის ნაკადი 29,284,591 კვტ/სთ-ით გადაიცემა დილის 6 საათიდან დილის 7 საათამდე ცენტრალური ევროპული დროით.Nord Stream AG-ის ოპერატორის ცნობით,  გაზის ნაკადის გაზრდას გარკვეული დრო დასჭირდება. 

„მუშაობს“, განუცხადა Nord Stream-ის წარმომადგენელმა Agence France-Presse-ს, სხვა მონაცემების დაზუსტების გარეშე.

 შეგახსენებთ, რომ გერმანიისკენ მიმავალი Nord Stream 1 მილსადენი 11 ივლისიდან დაიხურა წლიური ტექნიკური სამუშაოების გამო. გერმანელი ოფიციალური პირები შიშობდნენ, რომ მილსადენი - ქვეყნის მთავარი რუსული გაზის წყარო, რომელიც გერმანიის გაზის მიწოდების დაახლოებით მესამედს შეადგენს - შესაძლოა საერთოდ აღარ გახსნილიყო.

  რუსეტის პრეზიდენტი, ვლადიმერ პუტინი მიწოდების პრობლემებში დასავლეთს და რუსეთისთვის დაწესებულ სანქციებს ადანაშაულებს. Siemens-ის მიერ აშენებული ტურბინების შეკეთება კანადაში მდებარე  ქარხანაში მიმდინარეობს. ოტავამ თავდაპირველად დაბლოკა  ტურბინის დაბრუნება სანქციების გამო. გერმანიის ოფიციალურმა წარმომადგენლებმა უარყვეს ეს განმარტება.

შესაბამისად, კრემლის მიერ კონტროლირებადმა ენერგეტიკულმა გიგანტმა გაზპრომმა მაისის ბოლოს შეამცირა გაზის ექსპორტი Nord Stream-ის მეშვეობით ნორმალური სიმძლავრის 40%-მდე და ისევ უფრო მკვეთრად ივნისის შუა რიცხვებში.

Nord Stream 1 მილსადენის სრული დღიური სიმძლავრეა დაახლოებით 167 მილიონი კუბური მეტრი გაზი. ტექნიკურ გათიშვამდე გაზპრომი დღეში მხოლოდ 67 მილიონ კუბურ მეტრს ატარებდა.

Nord Stream AG-ის სპიკერმა გერმანიის საინფორმაციო სააგენტო dpa-ს განუცხადა, რომ გაზის მიწოდების უახლესი მოცულობა იგივე იყო, რაც ტექნიკური პერიოდის წინ, რაც შეესაბამება მაქსიმალური მიწოდების სიმძლავრის დაახლოებით 40%-ს. 

Nord Steam 1 იწყება რუსეთში სანქტ-პეტერბურგის ჩრდილოეთით და მთავრდება გერმანიის ბალტიის ზღვის ჩრდილოეთ სანაპიროზე, გრეიფსვალდთან ახლოს.

ავტორი: ექსპრესნიუსი,

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება