უკრაინა და რუსეთი მარცვლეულის ექსპორტზე მოლაპარაკებების დასკვნით სტადიაზე იმყოფებიან,- ამის შესახებ საგარეო საქმეთა მინისტრმა დიმიტრო კულებამ ესპანურ გამოცემა El Pais-თან ინტერვიუში განაცხადა.

მისი თქმით, უკრაინას რუსეთთან შეთანხმებას ორი ნაბიჯი აშორებს და ახლა ყველაფერი რუსეთზეა დამოკიდებული.

„რუსეთთან შეთანხმებას ორი ნაბიჯი გვაშორებს. აუცილებელია რუსეთის პოზიციასთან დაკავშირებული უსაფრთხოების საკითხების მოგვარება. ჩვენ ვართ ფინალურ ფაზაში და ახლა ყველაფერი რუსეთზეა დამოკიდებული. თუ მათ ეს მართლა სურთ, მაშინ მალე დაიწყება მარცვლეულის ექსპორტი. თუ ისინი გამოიყენებენ ამას თავიანთი „შიმშილის თამაშების“ გასაგრძელებლად, მაშინ კვლავ გაგრძელდება მოლაპარაკებების მნიშვნელობაზე საუბარი“, - განაცხადა კულებამ.

მინისტრის თქმით, ის ხედავს მხოლოდ ერთ პოტენციურ მიზეზს, რის გამოც რუსეთმა შესაძლოა შეიცვალოს თავისი პოზიცია მარცვლეულის ბლოკადასთან დაკავშირებით.

„მათ სურთ აჩვენონ აფრიკისა და აზიის ქვეყნებს, რომ სურთ გადაარჩინომ ისინი საკვების ნაკლებობისგან, მაგრამ სიმართლე ის არის, რომ რუსეთი არ არის დაინტერესებული უკრაინის ექსპორტით, მათ იციან, რომ თუ ჩვენ ამას ექსპორტზე გავიტანთ, შემოსავალს საერთაშორისო ბაზრებიდან მივიღებთ და ეს გაგვაძლიერებს“,- დასძინა კულებამ.

შეგახსენებთ, რომ 13 ივლისს საგარეო საქმეთა სამინისტრომ დაადასტურა ოთხმხრივი მოლაპარაკებების გამართვა სტამბულში უკრაინული მარცვლეულის ექსპორტზე უკრაინის, თურქეთის, გაეროს და რუსეთის მონაწილეობით.

მანამდე თურქეთის პრეზიდენტმა რეჯეფ თაიფ ერდოღანმა სატელეფონო საუბარი გამართა ვლადიმირ პუტინთან და ვოლოდიმირ ზელენსკისთან, სადაც განიხილეს უკრაინიდან მარცვლეულის ექსპორტის პრობლემები და შავ ზღვაში დერეფნების შექმნის აუცილებლობა.

ავტორი: ექსპრესნიუსი,

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა