2022-07-09 12:40:02, 811 ნახვა
მსოფლიო
ზახაროვა - პატრიარქის წინააღმდეგ სანქციების დაწესება მხოლოდ სატანისტებს შეუძლიათ
პატრიარქის წინააღმდეგ შეზღუდვების დაწესება მხოლოდ სატანისტებს შეეძლოთ,- ამის შესახებ
რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა.
საკუთარ „ტვიტერზე" ზახაროვა კანადის მიერ მოსკოვისა და სრულიად რუსეთის პატრიარქის კირილის წინააღმდეგ დაწესებულ სანქციებს გამოეხმაურა.
„პატრიარქის წინააღმდეგ სანქციების დაწესება მხოლოდ სატანისტებს შეუძლიათ“, - წერს დიპლომატი.
შეგახსენებთ, რომ გუშინ კანადის მთავრობამ რუსეთის 29 ფიზიკური და 15 იურიდიული პირის წინააღმდეგ სანქციები დააწესა.
სანქცირებულთა სიაში მოხვდნენ: ზახაროვა, როსკომნადზორი, ჟურნალისტები და რუსეთის პატრიარქი.
გარდა ამისა, ოტავამ ასევე დააწესა აკრძალვა რუსეთიდან ოქროსა და ოქროს ნაწარმის იმპორტზე.
ავტორი: ექსპრესნიუსი,
epn.ge (@expressnews.ge)
