ბრიტანეთის დაზვერვა - პუტინის „ჯერ არ დაწყებული“ არმია აგრძელებს მოძველებული ჯავშანტექნიკის განლაგებას

2022-07-09 11:15:17, 1478 ნახვა

ომი უკრაინაში

რუსეთის არმია, პრეზიდენტის ვლადიმერ პუტინის სიტყვების საპირისპიროდ, რომ ოკუპანტებს „არც კი დაიუწყიათ“ მოქმედებები უკრაინაში, აგრძელებს მოძველებული იარაღის განლაგებას,- ამის შესახებ ინფორმაციას ბრიტანეთის დაზვერვა ავრცელებს.

დაზვერვის ცნობით, რუსები თავის არმიას 1950-იან წლებში შემუშავებული ჯავშანტექნიკას აწვდიან.

„მიუხედავად პრეზიდენტის პუტინის 2022 წლის 7 ივლისის განცხადებისა, რომ რუსეთის სამხედრო ძალებს „არც კი დაუწყიათ“ ოპერაციები უკრაინაში, ისინი თავის არმიას, მოძველებულ ან შეუსაბამო აღჭურვილობას აწვდიან.“, - ნათქვამია განცხადებაში.

დაზვერვის ინფორმაციით, პირველი რუსული ქვედანაყოფების უმეტესობა თებერვალში აღჭურვილი იყო BMP-2 ქვეითი საბრძოლო მანქანებით 33 მმ-მდე სისქის ჯავშნით, მძლავრი 30 მმ ავტომატური ქვემეხით და ტანკსაწინააღმდეგო სარაკეტო გამშვებით.

„რუსეთი ახორციელებს სარეზერვო ძალების გადაადგილებას ქვეყნის მასშტაბით და „აგროვებს“ მათ უკრაინის მახლობლად მომავალი შეტევითი ოპერაციებისთვის. ახალი ქვეითი ქვედანაყოფების უმეტესობა, სავარაუდოდ, განლაგდება MT-LB ჯავშანტექნიკით.

ამასთან, აღჭურვილობის დონით, გამაგრება მნიშვნელოვნად ჩამორჩება იმ ქვედანაყოფებს, რომლებიც მონაწილეობდნენ თებერვალში უკრაინაში შეჭრაში“,- აღნიშნულია დაზვერვის განცხადებაში.

შეგახსენებთ, რომ მანამდე რუსეთის პრეზიდენტმა ვლადიმერ პუტინმა თქვა: „ჩვენ უკვე ბევრჯერ მოვისმინეთ, რომ დასავლეთს სურს ჩვენთან ბრძოლა უკანასკნელ უკრაინამდე. ეს არის ტრაგედია უკრაინელი ხალხისთვის. მაგრამ, როგორც ჩანს, ყველაფერი სწორედ ამ გზით მიდის. ყველამ უნდა იცოდეს, რომ ჯერ სერიოზული არაფერი დაგვიწყია“.

პუტინის ამ განცხადებას მისი პრესმდივანი დიმიტრი პესკოვი გამოეხმაურა, რომელმაც აღნიშნა, რომ პრეზიდენტი გულისხმობდა, რომ, რუსეთის პოტენციალი დიდია და უკრაინის წინააღმდეგ ომში, ახლა მისი მხოლოდ მცირე ნაწილია ჩართული.