ევროკავშირი თანდათან თავისუფლდება რუსეთის დამოკიდებულებისაგან, რომელიც დიდი ხანია აფერხებს პოლიტიკურ გადაწყვეტილებებს, მიუხედავად პრეზიდენტის ვლადიმერ პუტინის აგრესიისა,- ამის  შესახებ ევროკავშირის საგარეო საქმეთა და უსაფრთხოების პოლიტიკის საკითხებში უმაღლესმა წარმომადგენლმა, ჯოსეფ ბორელმა განაცხადა.

ბორელის თქმით, პუტინი ფიქრობდა, რომ ევროპა ვერ გაბედავდა სანქციების დაწესებას რუსეთის ფედერაციაზე ენერგო დამოკიდებულების გამო, რაც ერთ-ერთი არასწორი გათვლაა, რომელიც რუსეთის რეჟიმმა ამ კონფლიქტის დროს დაუშვა.

„2022 წლის ბოლომდე ევროკავშირი 90%-ით შეამცირებს რუსეთის ნავთობის იმპორტს, ჩვენ ასევე სწრაფად ვამცირებთ გაზის იმპორტს. ვლადიმერ პუტინი ალბათ ფიქრობდა, რომ ევროპა ვერ გაბედავდა სანქციების დაწესებას რუსეთის ფედერაციაზე ენერგო დამოკიდებულების გამო. ერთ-ერთი იმ მნიშვნელოვანი არასწორი გათვლებიდან, რომელიც დაუშვა რუსეთის რეჟიმმა ამ კონფლიქტის დროს“, - განაცხადა ბორელმა.

გარდა ამისა, ბორელმა აღნიშნა, რომ რუსული ენერგიის წყაროებიდან ასეთი სწრაფი გაყვანა სერიოზულ სირთულეებს უქმნის ევროკავშირის ბევრ ქვეყანას, ისევე როგორც ეკონომიკის რამდენიმე სექტორს.

„ეს არის საფასური, რომელიც უნდა გადავიხადოთ ჩვენი დემოკრატიისა და საერთაშორისო სამართლის დასაცავად. ჩვენ ვიღებთ აუცილებელ ზომებს ამ პრობლემების გადასაჭრელად”, - დასძინა ბორელმა.

შეგახსენებთ, რომ  27 ივნისს ბორელმა რევოლუციური განცხადება გააკეთა, რომ ევროკავშირმა უნდა მიატოვოს ერთსულოვნების პრინციპი.

მისი თქმით, დიდი მნიშვნელობა აქვს გადაწყვეტილებას ერთხმად მიიღებენ თუ ხმათა კვალიფიციური უმრავლესობით.

ბორელმა განმარტა, რომ თუ ქვეყნებმა წინასწარ იციან, რომ საბოლოო გადაწყვეტილების მიღება შესაძლებელია კვალიფიციური უმრავლესობით, მათ აქვთ ძლიერი სტიმული მოლაპარაკებისა და კონსენსუსის შესაქმნელად. თუ მათ იციან, რომ შეუძლიათ ყველაფრის დაბლოკვა, მათ არ აქვთ სტიმული, მიაღწიონ კომპრომისს.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება