იაპონია რუსეთის ფედერაციის წინააღმდეგ დამატებით სანქციებს აწესებს. შეზღუდვები მოიცავს რუსეთიდან ოქროს იმპორტის აკრძალვას. ინფორმაციას NHK ავრცელებს.

იაპონიის პრემიერ-მინისტრმა ფუმიო კიშიდამ განაცხადა, რომ ახალი სანქციები მოიცავს რუსული ოქროს იმპორტის აკრძალვას, ასევე რუსეთის ფედერაციისთვის ბუღალტრული აღრიცხვის, ტრასტის და რიგი სხვა სერვისების მიწოდებას.

ამასთან, მან აღნიშნა, რომ იაპონიის ახალი შეზღუდვები რუსეთიდან კიდევ 70 პირისა და ორგანიზაციის აქტივების გაყინვას გამოიწვევს. გარდა ამისა, იაპონიის პარლამენტმა აკრძალა საქონლის მიყიდვა 90 ორგანიზაციას, რომლებიც დაკავშირებულია თავდაცვის სექტორთან.

ცნობისთვის, Bloomberg-ის პორტალი იყო პირველი,  ვინც რუსულ ოქროზე ემბარგოს მომზადების შესახებ გაავრცელა ინფორმაცია. ამის შემდეგ ეს ინფორმაცია ბრიტანეთის პრემიერ-მინისტრმა ბორის ჯონსონმა  დაადასტურა. მისი თქმით, აკრძალვას შეუერთდებიან დიდი ბრიტანეთი, ამერიკის შეერთებული შტატები, კანადა და იაპონია. 

აშშ-ის სახელმწიფო მდივნის, ენტონი ბლინკენის განცხადებით, ოქროს ექსპორტზე ემბარგო დარტყმა იქნება რუსეთის ფედერაციის ეკონომიკისთვის. ქვეყანა წელიწადში დაახლოებით 19 მილიარდ დოლარს დაკარგავს შემოსავალს. ბლინკენი მიიჩნევს, რომ ემბარგო დამატებით ზეწოლას გამოიწვევს რუსული ბაზრიდან ათასზე მეტი დასავლური კომპანიის გაყვანასთან ერთად.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება